VOV4.Bahnar - Dak Lak hiơ̆ tơ plih tơ drong đơ̆ng Zero Covid jing arih hơ dai hăm jĭ hơ buh, ‘noh jĭ hơ len lăng đơ̆ng Tiến sĩ Cao Hưng Thái, Phŏ kơ dră Anih vei lăng khăm hơ met jĭ, kơ dră grŭp bơ̆ jang kơ Anih tơm vei lăng găh jang pơ gang lơ̆m jơ bơ̆ jang hăm Anih vei lăng kon pơ lei dêh char Dak Lak. Găh tơ drong ƀet bơ̆ng, dêh char hlôi sơng iŏk 13 ‘măng vắc xin đơ̆ng Anih tơm vei lăng găh jang pơ gang hăm akŏp kơ sô̆ vă jê̆ 1,7 triệu kơ liêu; truh dang ei ƀet đei vă jê̆ 1,5 triệu kơ liêu, lơ̆m noh jrŭm 1 đei 90,9% kơ sô̆ kon pơ lei đơ̆ng 18 sơ năm tơ̆ kơ pal, ƀet tôm 2 jrŭm đei 21,1%.

Pơ ma tơ̆ jơ bơ̆ jang, Tiến sĩ Cao Hưng Thái, Phŏ kơ dră Anih vei lăng khăm hơ met jĭ, athei Dak Lak kăl tơ lĕch jang rim trong jang pơm lăp hăm đei ƀôh đơ̆ng jĭ COVID-19; hơ vơn rim anih jang pơ gang pơ jing kơ dih vang tang găn jĭ, jăh tơ lĕch tơ drong jang vei lăng, hơ met F0 tơ̆ hnam, pơ jing hnam pơ gang năm hơ met, pơ jing hơ nih hơ met jĭ ăl, hơ tŏk kơ sư̆k hơ len lăng RT-PCR. Hơ dai hăm ‘noh tŭn pran tơ roi tơ băt kon pơ lei hơ nơ̆ng jang kiơ̆ tơ păt nơ̆r pơ kăp 5K…

Thuem: Tơ blơ̆