VOV4.Bahnar – Dak Lak oei vei kơ jăp trong pơ gơ̆r thi mât hŏk lăm 10 tơ̆ hnam trưng THPT hăm 4 môn thi đei Văn, Toán, Nơ̆r tĕh đak đe păng môn chuyên. Sơ năm hŏk 2021 – 2022, Dak Lak vă pơ gơ̆r thi iŏk hŏk tro mât hŏk lăm 10 hăm 2 hnam trưng THPT ‘nŏh hnam trưng THPT Chuyên Nguyễn Du păng Hnam trưng THPT tĕh đak rong hŏk tro kon kông Nơ Trang Lơng; dôm hnam trưng tĕh đak pơ jing nai iŏk hŏk tro mât hŏk kiơ̆ trong set điêm.

Jơ năr pơ gơ̆r thi lơ̆m ‘năr 8 păng 9/6/2021. Kiơ̆ kơ ‘nŏh, ‘năr 8/6, til pơ gê, hŏk tro pơm ƀai thi môn văn, tơ̆ kơ sơ̆, hŏk tro pơm ƀai thi Nơ̆r tĕh đak đe. ‘Năr 9/6, til pơ gê, hŏk tro pơm ƀai thi mon Toán, tơ̆ kơ sơ̆ pơm ƀai thi dôm môn chuyên.

Thoi nŏh, Dak Lak oei vei kơ jăp năr thi mât hŏk lăm 10 nhen hlôi tơ roi adrol kơ ‘nŏh. Vă tơ drong thi mât hŏk lăm 10 gơ̆h sơ đơ̆ng ‘lơ̆ng, Anih vei lăng pơ tho pơ hrăm dêh char athei kăn ƀô̆, thây kô, bơ ngai jang tơ̆ dôm hnam trưng hơ tŏk đon jang mă tơ năp, hơ met mă ‘lơ̆ng găh tơ mam, lăm thi, dôm anih pơ gơ̆r thi athei pơm kiơ̆ ‘lơ̆ng trong tang găn jĭ Covid 19.

Dơ̆ng: Tơ blơ̆