VOV4.Bahnar - Tơ̆ Dak Lak, lơ̆m dôm tơ drong jang hơ iă kơ pôk rơih Bơ ngai tang măt Kuô̆k hô̆i jăl XV păng Jơ nŭm pơ gơ̆r kon pơ lei jơ̆p tơ ring đơ̆ng 2021 – 2026, Anĭh 'măn răk tơ mam Dak Lak 'nao pơ gơ̆r pơ dă um rup “Năr chơt kơ tĕh đak”. 'Măng pơ dă đei 3 tơ drong tơm: Ƀok Hô hăm Kuô̆k hô̆i Việt Nam; Tơ drong jang 'lơ̆ng hơ iă đơ̆ng  Kuô̆k hô̆iViệt Nam; Dôm tơ drong jang 'lơ̆ng đơ̆ng Khul tang măt Kuô̆k hô̆i păng Jơ nŭm pơ gơ̆r kon pơ lei jơ̆p tơ ring kơ dêh char Dak Lak. 

Bơ ngai tang măt truh lăng tơ drong pơ dă um rup

Dang 130 tŏ rup đei ming pơ dă, vang tơ ƀôh hơ dăh dôm tơ dỏng jơ nei đơ̆ng Kuô̆k hô̆i păng Jơ nŭm pơ gơ̆r kon pơ lei jơ̆p tơ ring pơ ma atŭm; tơ drong jang đơ̆ng Khul tang măt Kuô̆k hô̆i păng Jơ nŭm pơ gơ̆r kon pơ lei jơ̆p tơ ring tơ̆ dêh char Dak Lak pơ ma adrô̆ lơ̆m rim jăl jang; pơ ma hơ dăh tơ drong 'moi kiơ̆, tơ iung jơ hngâm đon jang 'nao đơ̆ng Kuô̆k hô̆i lơ̆m tơ drong chih pơ jing luơ̆t, dăr lăng păng tơ chơ̆t dôm tơ drong gĭt kăl kơ tĕh đak; tơ drong jang kiơ̆ hơ năp jang đơ̆ng anĭh chĕp kơ̆l pơ gơ̆r tih hlŏh kơ tĕh đak lơ̆m tơ drong chih hơ dăh trong jang đơ̆ng Đảng jing tơ drong tơ gŭm, khôi luơ̆t kơ tĕh đak.   

Dơ̆ng: Tơ blơ̆