VOV4.Bahnar - Lăp đơ̆ng rŏng kơ đei 1 ‘nu tơ poh jĭ SARS –CoV -2 tŏk bŏk bơ̆ jang tơ̆ Hnam pơ gang apŭng Lăk, anih jang pơ gang dêh char Dak Lak hlôi tơ lĕch hla ar athei pơ vang găn ‘mơ̆i Hnam pơ gang apŭng Lăk vă tơ tĕnh tơ lĕch jang rim trong jang tang găn jĭ. Hơ dai hăm pơ vang găn Hnam pơ gang apŭng Lăk, Anih vei lăng găh jang pơ gang Dak Lak pơ gơ̆r hăt hot tơ drong rơ̆ih iŏk, ăn oei hơ drô̆, hơ len lăng pham đĭ đăng dôm bơ ngai jĭ tŏk bŏk hơ met, bơ ngai vei lăng bơ ngai jĭ tơ̆ Hnam pơ gang apŭng Lăk jô̆ đơ̆ng ƀơ̆t 7 jơ kơ măng ‘năr 02/7/2021 ding truh đei tơ roi tơ băt ‘nao.

Kang ƀô̆ jang pơ gang iŏk pham hơ len lăng ăn bơ ngai jĭ păng ŭnh hnam lơ̆m Hnam pơ gang apŭng Lăk

Pơ gơ̆r pruih pơ gang pơ đĭ Hnam pơ gang apŭng Lăk lơ̆m gơ măng ‘năr 2/7 hloi. Bơ ngai tơ poh jĭ SARS-CoV-2 ‘noh bơ ngai jang điều dưỡng tŏk bŏk bơ̆ jang tơ̆ hơ nih ăn oei hơ drô̆ akŏm tơ̆ Hnam pơ gang apŭng Lăk. Bơ ngai âu ‘noh F1 kơ bơ ngai jĭ 15921.

Thuem: Tơ blơ̆