VOV4.Bahnar - Ƀlep lơ̆m năr trung thu, Anih vei lăng găh bơ ngai jang linh jĭ rơ ka păng tơ pôl Dak Lak jang hơ dai hăm Anih jang đoàn dêh char păng Anih vei lăng kon pơ lei apŭng Krông Bông pơ gơ̆r pơm Trung thu ăn kơ oh tơ̆ xăh Cư Pui, apŭng Krông Bông.

Asong gre tang vang ăn kơ đe oh hơ ioh

Hăm hơ năn vang tơ gŭm hăm oh hơ ioh, tơ gŭm yak hloh jĭ hơ buh, lơ̆m tơ drong jang khŭl pơ gơ̆r hlôi pơ jao 200 tơ pu tơ mam, 5 tong gre tang vang, 5 tŏ kơ ƀang hŏk, 35 kơ suơ̆t hŏk ƀŏng ( 1 kơ suơ̆t đei kơ jă 1 triệu hlak jên) păng 8 kơ suơ̆t ƀŏk tơ gŭm trong hơ tăih lơ̆m dang 1 sơ năm hăm kơ sô̆ jên tơ gŭm 300.000 hlak jên 1 khei 1 kơ suơ̆t ăn kơ đe oh hơ ioh đei tơ drong arih sa mơ mat tat tơ̆ dôm xăh kơ apŭng Krông Bông. Vă vei sơ đơ̆ng tang găn jĭ kơ na lăp 1,2 ‘nu oh tang măt năm iŏk tơ mam păng hŏk ƀŏng tơ̆ tơ drong jang, kơ sô̆ uơ oei dơ̆ng gô đei tơ ring gơ̆ih truh kơ tă ăn kơ đe oh.

Thuem: Tơ blơ̆