VOV4.Bahnar - Anih jang pôk rơ̆ih dêh char Dak Lak ‘nao pơ gơ̆r pơ jao hơ năn 14 hla ar hô sơ bơ ngai đei rơ̆ih lĕch pơ jei pơm Bơ ngai tang năt Kuôk hô̆i jăl 15 păng 141 hla ar hô sơ đei rơ̆ih lĕch pơ jei pơm bơ ngai tang măt Jơ nŭm pơ gơ̆r kon pơ lei dêh char jăl 10, lơ̆m noh đei 1 ‘nu bơ ngai lĕch pơ jei kơ dih pơm bơ ngai tang măt Jơ nŭm pơ gơ̆r kon pơ lei dêh char. Tơ̆ ‘măng pôk rơ̆ih âu, dêh char Dak Lak đei 3 anih jang pôk rơ̆ih bơ ngai tang măt Kuôk hô̆i jăl 15 hăm kơ sô̆ bơ ngai tang măt Kuôk hô̆i đei pôk ‘noh 9. Lơ̆m noh, 5 ‘nu bơ ngai tang măt bơ̆ jang păng oei sa tơ̆ tơ ring, 4 ‘nu tang măt yua đơ̆ng Trung ương rơ̆ih. Akŏp kơ sô̆ bơ ngai tang măt Jơ nŭm pơ gơ̆r kon pơ lei dêh char Dak Lak jăl jang 2021-2026 đei pôk ‘noh 75 ‘nu hăm 20 anih jang pôk rơ̆ih; drơ̆ng 1 nơ̆r klăih song ăn rim anih jang grŭp dêh char 44 ‘nu bơ ngai tang măt păng grŭp apŭng, thị xã 31 ‘nu bơ ngai tang măt. Đơ̆ng rŏng kơ sơng iŏk hơ năn, Anih jang mặt trận tổ quốcViệt Nam dêh char gô pơ truh ăn Hop akŏm pơ ma dơ nuh ‘măng mă 2 ( lơ̆m ‘năr 18-3-2021) vă pơ ma dơ nuh drơ̆ng nơ̆r chih hơ năn bơ ngai lĕch pơ jei pơm bơ ngai tang măt Kuôk hô̆i păng bơ ngai tang măt Jơ nŭm pơ gơ̆r kon pơ lei.

Thuem: Tơ blơ̆