VOV4.Bahnar - Anih jang đoàn pơ lei tơm Buôn Ma Thuột (Dak Lak) gô tơ lĕch jang gre asong tơ mam trŭh tơ̆ hnam vă tơ gŭm bơ ngai dơ nuh hin tơ̆ rim xăh, phường lơ̆m pơ lei tơm Buôn Ma Thuột, dêh char Dak Lak, pơ tơm blŭng đơ̆ng ‘năr 31/7. Kiơ̆ kơ khŭl pơ gơ̆r jang, tơ drong jang gô tơ lĕch jang truh đĭ ‘năr 7/8 truh, klăih song jing 5 ‘măng tơ̆ 10 xăh, phường tơ̆ pơ lei tơm Buôn Ma Thuột, dêh char Dak Lak.

Tơ chĕng hơ drol gô pơ jao 1.000 tơ pu tơ mam ‘măn asong ăn kon pơ lei đei tơ drong arih sa mơ mat tat nhen ŭnh hnam dơ nuh hin, bơ ngai oei sa hơ drô̆, jo jăn, đei tơ drong jĭ hơ met ư̆h kơ klăih, ư̆h kơ đei tơ drong jang dăh mă đei iŏk yua ư̆h kơ sơ đơ̆ng. 1 tơ pu ‘noh đei 5 kĭ phe, đak măm, đak kho, sĭk, ƀôt ngot păng dôm kơ loăi ‘nhot, ƀum, plei.

Thuem: Tơ blơ̆