VOV4.Bahnar - Mă đơ̆ng sơ năm hŏk 2021-2022 đĭ mât truh tŏk hŏk hŏk ki 1 ƀơih ră, mă lei truh dang ei, oei đei lơ hŏk tro tơ̆ Dak Lak đom tơ̆ dôm tơ ring nai tam vă brŏk, năm hŏk păng kŭm lơ hŏk tro đơ̆ng tơ ring nai oei hŏk pơ gia tơ̆ Dak Lak. Vă pơm ‘lơ̆ng ăn tơ drong đei yoa kơ đe hŏk tro, anih pơ tho pơ hrăm Dak Lak oei pơ jing tơ drong ‘lơ̆ng hlŏh vă đe ŏh hoei pơ dơ̆h hŏk lơ̆m khei ‘năr hŏk pơ hrăm mă oei tơ̆ tơ ring yơ.

Hŏk tro tơ̆ Dak Lak

Kiơ̆ Anih vei lăng pơ tho pơ hrăm Dak Lak, đơ̆ng rŏng 1 khei jô̆ đơ̆ng hŏk tro lơ̆m dêh char mât lơ̆m sơ năm hŏk ‘nao, truh dang ei, oei đei 1.270 ‘nu hŏk tro tơ̆ dêh char Dak Lak tam mă brŏk năm hŏk păng hlŏh 660 ‘nu hŏk tro dôm tơ ring oei kiơ̆ hŏk pơ gia tơ̆ dôm hnam trưng lơ̆m dêh char Dak Lak. Hăm dôm hŏk tro âu Anih vei lăng pơ tho pơ hrăm kơ chăng vă sơng iŏk dơ̆ng, hơ met tôm lăm hŏk mă lăp, pơ jing tơ drong ‘lơ̆ng vă đe ŏh vang hŏk pơ hrăm mă đơ̆ng hŏk trư̆k tuyê̆n dăh mă hŏk kơ tă tơ̆ lăm.

Dơ̆ng: Tơ blơ̆