VOV4.Bahnar - Tơ̆ hơnăp tơdrong jĭ hơbuh Covid-19, Dơnŏ anih vei lăng kon pơlei dêh char Dak Lăk ‘nao tơlĕch Tơdrong tơchơ̆t pơdơ̆h pơgơ̆r rim tơdrong jang pơtho pơhrăm păng bơ̆ jang lơ̆m pơyan pơdơ̆h hŏk vă tang găn jĭ.

Kiơ̆ kơ ‘nŏh, đơ̆ng năr 10/7/2021, Dak Lăk gô pơdơ̆h rim tơdrong jang pơtho pơhrăm păng tơdrong pơgơ̆r au to pơyan pơdơ̆h hŏk pơhrăm kiơ̆ trong akŏm lơ, kơtă tơ̆ rim hnam trương pơtho pơhrăm lơ̆m dêh char dĭng trŭh đei nơ̆r tơchơ̆t ‘nao. Tơdrong tơchơ̆t đei tơlĕch ăn khei ‘năr au Dak Lăk hlôi đei 7 ‘nu bơngai tơpŏh jĭ Covid-19 păng rim dêh char tơ jê̆ nhen: Phú Yên, Lâm Đồng, Khánh Hoà…jei đei tơdrong jĭ tŏk bŏk kơtang. Tơdrong pơdơ̆h pơgơ̆r au đei lăng jing tơdrong kăl hlŏh pơm sơđơ̆ng ăn jơhngơ̆m pran jăng grăng akau ăn khŭl ƀok thây kô pơtho păng bơngai hŏk tơ̆ rim hnam trương lơ̆m dêh char.

Tơblơ̆ nơ̆r: Amazưt