VOV4.Bahnar - Pơgê bre\i, năr 17/6, Dơno\ an^h Thông tin – Truyền thông dêh char Dak Lăk jang hơdoi hăm Jơnu\m Khu\l ch^h kơtơ\ng ang dêh char Dak Lăk pơgơ\r pơlong kơku\h 90 sơnăm Năr Khu\l ch^h kơtơ\ng ang ke\ch mang Việt Nam (21/6). ‘Măng pơlong jing jơ ‘năr vă rim bơngai bơ\ jang ch^h kơtơ\ng ang păng kang [o#, bơngai jang tơ\ rim an^h bơ\ jang tơ [ơ\p, ho\k pơ hrăm d^h băl dôm tơdrong jang hơ iă, ato\k kơtang jơhngơ\m pran jăng grăng akau, tơgoăt tơgoăl d^h băl kơ jăp hlo\h dơ\ng kơ rim an^h bơ\ jang păng rim bơngai pơlong. Đơ\ng no\h tơgop ato\k kơtang tơdrong chă pơ hrăm đă [o\ng lo\ng tơ plo\ng kơdau kơ rim an^h bơ\ jang roi năr roi ato\k tơ iung. {ok Trần Trung Hiển, Kơdră che\p pơgơ\r Thông tin – Truyền thông dêh char, Kơdră Khu\l pơgơ\r pơma: “Đơ\ng ‘măng tơbăt 90 sơnăm ‘măng mă au nhôn ‘me\h vă lơlau hlo\h đơ\ng rim tơdrong pơgơ\r đă [o\ng lo\ng tơ plo\ng kơdau pơ jing an^h pơ chơt pơ hiơ\ ho\k pơ hrăm d^h băl kơ ‘nho\ng pơmai o\h lơ\m khu\l jang ch^h kơtơ\ng ang pơma hơdro# păng lơ\m bơ\ jang tơroi tơbăt pơma atu\m ‘ngoăih kơ ‘no\h nhôn je\i ‘me\h vă dôm bơngai jang ch^h kơtơ\ng ang kơ lu bơ\n sa roi hưch hanh hăm tơdrong jang hlo\h dơ\ng păng pơ jing ăn tơpôl kơ lu bơ\n roi năr roi ‘lơ\ng hơ iă hlo\h dơ\ng”…

Tơblơ\ nơ\r: Amazư\t