VOV4.Bahnar - Pơgê brei, năr 19/3, tơ̆ ‘măng hop akŏm, Jơnŭm vei lăng kon pơlei dêh char Dak Lăk jăl IX, jăl jang 2016 -2021 hlôi iung jang tăh hla tơlĕch jang, pôk tơmơ̆t dơ̆ng kơchư̆k Kơ iĕng Kơdră chĕp pơgơ̆r Jơnŭm vei lăng kon pơlei dêh char, Kơdră vang jang lơ̆m Dơnŏ anih vei lăng kon pơlei dêh char Dak Lăk jăl IX, jăl jang 2016 - 2021. Kiơ̆ kơ ‘nŏh, Jơnŭm vei lăng kon pơlei dêh char Dak Lăk hlôi pơdrơ̆ng kiơ̆ tơlĕch jang hăm Kơdră jang lơ̆m Dơnŏ anih vei lăng kon pơlei dêh char jăl IX, jăl jang 2016 - 2021 hăm Thiếu tướng Lê Văn Tuyến - sơ̆ Kơdră chĕp pơgơ̆r Kŏng ang dêh char kơ yuơ hlôi tŏk bơ̆ jang tơdrong jang anai.

Jei tơ̆ hop akŏm au, rim kơdră tang măt hlôi drơ̆ng nơ̆r pôk tơmơ̆t ƀok Y Vinh Tơr - Kơdră jang pơ gia Trung ương Đảng, Kơdră jang lơ̆m Khŭl chĕp pơgơ̆r Đảng dêh char, Bí thư Đảng thĭ xah Buôn Hồ tŏk pơm Kơ iĕng Kơdră chĕp pơgơ̆r Jơnŭm vei lăng kon pơlei dêh char Dak Lăk jăl IX, jăl jang 2016 – 2021, hăm 100% kơ phĭu drơ̆ng nơ̆r.

Tơblơ̆ nơ̆r: Amazưt