VOV4.Bahnar - Lơ\m dôm xơnăm kơ âu, tơdrong jang tơre\k tơvei hăm unh hnam mă teh đak tơchơ\t tơgu\m, bơngai đei ko\ng hăm cách mạng đei dôm jăl jang, anih jang kơpal kơ dêh char Đăk Lăk pơm jang tơnăp. Dôm tơdrong jang: Jên mong [lo\k tơbăt, hnam ‘mêm kơ eng, hla bar mong jên ‘mêm kơ eng, tơgu\m găh tơdrong pơm jang, rong ‘me đe Me\  Nam

Xơnăm mă yơ duh thoi ăi, hơnơ\ng je# truh năr 27/7, yă H’Bông Niê, rơneh xơnăm 1925, noh me\ kơ linh lôch do\ng teh đak Y Pho Niê, tơ\ pơlei Ea Ktur, xăh Ea ktur, apu\ng Chư\ Kuin, dêh char Đăk Lăk gơnơm kom xâu xut pơ ‘nguaih chơnang xoi đang kơ noh io\k tôm tơmam [lo\k tơbăt kơ linh lôch tang Y Pho vă chă xut păng hơlen lăng. Pơmai H’Mát Niê, kon drăkăn yă H’Bông Niê ăn tơbăt, dôm xơnăm blu\ng ‘nho\ng Y Pho lôch tang, me\ H’Bông he\l xơ ‘ngon tôch dêh, pu\n ai đei tơdrong hơlêm đơ\ng ‘nho\ng oh kueng [ôt, tơdrong tơgu\m tơmam drăm đơ\ng dôm jăl jang noh me\ da [iơ\ kơ xơ ‘ngon, tơdrong erih dar deh xơđơ\ng [iơ\ mơ\n: “Me\ inh dang ei kră bơih, xơnăm 2012 đei teh đak man ăn hnam ‘mêm kơ eng, đang kơ noh hnam tơpăr bơbu\ng, đei apu\ng tơgu\m 20 triu hlj vă ming hơmet noh ‘mi kial pă đei hiơ\r kiơ bơih. Rim xơnăm truh ăh ‘năr lêh ‘năr têt, me\ inh oei đei lơ khul jang năm apong, axong tơmam. Inh tôch hmach bơnê kơ jơnu\m pơgơ\r tơring hlôi tơgu\m unh hnam inh.”

Kiơ\ tơroi đơ\ng Anih Axong jang, Linh j^ rơka păng Tơpôl dêh char Đăk Lăk, đơ\ng xơnăm 2016 - 2020, dêh char hlôi hơvơn hloh 35 tih tih hlj “{lo\k tơbăt”.

 Đơ\ng jên mong âu hlôi man đei 952 to\ hnam ‘mêm kơ eng, hơmet 688 to\ hnam mă hlôi hư răm vă axong ăn bơngai đei ko\ng, păng axong ăn hloh 500 kơsa#p hla bar mong jên ăn rim bơngai tơgu\m jơhngơ\m hăm teh đak. Lơ\m xơnăm 2020, atu\m hăm chă axong hnam oei, đơ\ng jên mong “{lo\k tơbăt” dêh char Đăk Lăk oei pơgơ\r axong 867 triu hlj vă tơgu\m ăn dôm tơdrong jang hơto\k mu\k drăm ăn 32 ‘nu bơngai tơgu\m jơhngơ\m hăm cách mạng đei tơdrong erih hin dơnuh tơ\ dôm apu\ng Krông Pách, Ea Kar, Krông Bông, Krông Năng, Lăk, Ea Súp păng M’Drak.

Đei io\k 15 triu hlj vă răt nhu\ng yo\ng, yă Phạm Thị Nhì, noh hơkăn linh lôch do\ng teh đak Cao Văn Tiến, tơ\ th^ tra#n Ea Kar, apu\ng Ea Kar ‘meh vă âu jing trong jang vă hơto\k mu\k drăm, tơgu\m yă hiôk hian hloh lơ\m tơdrong vei rong kon yă [ơm j^ jăn, tơgop xơđơ\ng [iơ\ tơdrong erih: “Rim anih jang đơ\ng thôn, th^ tra#n truh tơ\ apu\ng, dêh char hlôi đei jơhngơ\m tơgu\m unh hnam inh thoi âu noh inh adro# hơpơi pơm thoi yơ gơh đei mu\k drăm vă me\ kon măr nhi chă răk rong dih băl đe\ch. Dang ei kon inh [ơm j^ jăn thoi âu noh inh adro# kăl jên vă chă rong kon tơrong đe\ch. Inh tôch hmach bơnê. Ke\ đei thoi âu noh chơt hơ iă bơih.”

Atu\m hăm tơdrong tơgu\m jên ăn unh hnam mă teh đak tơchơ\t tơgu\m gơh xơđơ\ng tơdrong erih, hơto\k klaih đơ\ng hin dơnuh, lơ\m xơnăm âu, Anih Axong jang Linh j^ rơka păng Tơpôl dêh char Đăk Lăk hlôi et hơto\k Anih ako\m rong ‘me bơngai đei ko\ng kơ dêh char. Lơ\m ‘măng tơbăt năr 27/7 âu, Anih ako\m rong ‘me tơle\ch tơgu\m dơnơm hăm 49 ‘nu tơgu\m jơhngơ\m ăn cách mạng. Tơ\ âu, bơngai đei ko\ng đei khăm hơlen jơhngơ\m jăn, hơmet j^, chă axong năm tơmang tơmang anih ‘lơ\ng ro\ păng minh [ar anih gru gra tơ\ tơring. Đơ\ng apu\ng  Krông Pách năm truh Anih ako\m rong ‘me bơngai đei ko\ng vă khăm j^, linh j^ rơka Nguyễn Long Biên, oei tơ\ xăh Ea Phê ăn tơbăt: “Ăh inh yak jơ\ng jur truh anih khăm hơlen jơhngơ\m jăn noh inh mơn tơno\ lơ\m bơnôh, yuơ tơdrong xơng drơ\ng đơ\ng bơngai jang tơ\ anih khăm hơlen tôch tơnăp. Xơng nhôn nhen ‘nho\ng oh chôt vih. Anih ako\m rong ‘me hlôi xơng tôm linh j^ rơka tơ\ apu\ng truh tôch tơnăp. Rim tơdrong tơnap pơtơm thoi âu noh mă [ôh đe ye\t rơhal rơho\ noh inh tôch xo# xôn, bơngai jang tơnăp, đe thây pơgang adoi tơno\, hơdăh noh, linh j^ rơka [ơm tơdrong j^ kiơ noh adoi đei trong hơmet păng vei lăng tro\ [lep.”

{ok Trần Phú Hùng, Kơdră Anih Axong jang Linh j^ rơka păng Tơpôl dêh char Đăk Lăk ăn tơbăt, lơ\m dôm xơnăm kơ âu, dôm tơdrong jang tơre\k tơvei ăn tơdrong erih bơngai đei ko\ng hăm cách mạng hơnơ\ng đei rim jăl jang, rim tơring lơ\m dêh char tơre\k tơgu\m. Mă lei, kiơ\ tơdrong hơlen, keh kong lơ\m ja#p dêh char duh oei 125 unh hnam mă teh đak tơchơ\t tơgu\m noh jing unh hnam hin dơnuh. Yuơ noh, lơ\m khei năr truh, dêh char Đăk Lăk gô pơtoi hơto\k kơtang lơ trong jang vă tơgu\m unh hnam mă teh đak tơchơ\t tơgu\m, bơngai đei ko\ng hơto\k tơdrong erih, hăm tơdrong adrin truh đ^ xơnăm 2020, dêh char pă đei oei unh hnam hin dơnuh yơ lơ\m unh hnam mă teh đak tơchơ\t tơgu\m: “Vă tơle\ch tơdrong jang tơjur hin dơnuh hăm bơngai đei ko\ng gơh đei jơnei tơnăp, Anih Axong jang Linh j^ păng Tơpôl hlôi ako\m khul pơm jang năm truh rim unh hnam bơngai đei ko\ng mă hin dơnuh chă tơroi tơbăt, hơlen tơdrong tơm pơm ăn hin dơnuh, mă kăl noh băt hơdăh tơdrong mă đe ye\t hơpơi ‘meh vă đei trong tơgu\m. Atu\m hăm noh jang hadoi hăm Anih jang măt tra#n tôh kuôk Việt Nam dêh char, Anih jang ‘long pơglang brê dêh char hơvơn rim anih jang, anih mu\k drăm, anih bơngai jang ‘mêm bơnat vă chă tơgu\m ming man, hơmet hnam oei, tơgu\m hơto\k io\k yua. Pơkăp lơ\m xơnăm 2020 ưh đei le# đei unh hnam đei ko\ng đei tơdrong erih hin dơnuh.”

Dôm tơdrong jang kăp g^t đei jơnei, vă tơgu\m ăn unh hnam mă teh đak tơchơ\t tơgu\m, bơngai đei ko\ng đei Đăk Lăk tơle\ch jang lơ\m khei năr âu ki hlôi tơtom hơlêm, pơm trong hiôk ăn bơngai đei ko\ng adrin tơ iung hơto\k jang mu\k drăm, xơđơ\ng tơdrong erih.

Lan chih păng rapor