VOV4.Bahnar - ‘Măng thi tốt nghiệp trung học phổ thông sơ năm 2021, Dak Lak đei hlŏh 19.800 ‘nu hŏk tro vang chih măt thi tơ̆ 32 anih thi, hăm hlŏh 830 lăm thi. Anih vei lăng pơ tho pơ hrăm dêh char Dak Lak akŏm hlŏh 2.700 ‘nu bơ ngai vang bơ̆ jang pơ vih ăn tơ drong thi. Lơ̆m nŏh đei hlŏh 2.250 ‘nu kăn ƀô̆, thây kô lăng thi. Dang ei anih pơ tho pơ hrăm oei roi tơ băt tơ drong hơ găt thi, pơ tâp ăn kăn ƀô̆, thây kô, bơ ngai jang vang pơ vih ăn tơ drong thi.

Tơ̆ hơ năp tơ drong jĭ Covid 19 oei tơ pŏh tôch hơ mơt, Dơ nŏ anih vei lăng kon pơ lei dêh char Dak Lak pơ tho ăn Anih vei lăng pơ tho pơ hrăm roi tơ băt hơ dăh ăn rim hŏk tro, bơ ngai vang pơ gơ̆r thi pơm kiơ̆ mă ‘lơ̆ng dôm tơ drong hơ găt găh tang găn jĭ COVID-19 đơ̆ng anih jang pơ gang, lê̆ năm tơ̆ lơ tơ ring mưh ưh đei tơ drong kăl.

Anih vei lăng pơ tho pơ hrăm kơ chăng jang hơ doi hăm Anih vei lăng jang pơ gang dêh char, Dơ nŏ anih vei lăng kon pơ lei dôm apŭng, thĭ xăh, plt păng dôm anih jang đei ƀơm truh vă gơ̆h băt hơ dăh rim tơ drong găh jĭ vă đei trong pơ gơ̆r thi tơ̆ dêh char lăp hăm yăn âu, vei lăng sơ đơ̆ng ‘lơ̆ng ăn hŏk tro păng đĭ đăng bơ ngai vang pơ gơ̆r thi.

Dơ̆ng: Tơ blơ̆