VOV4.Bahnar  – Pơgê năr  (11/6), tơ̆ xăh Ea Uy, apŭng Krông Pách, Anih jang Đoan Đăk Lăk pơm lêh Pơtơm tơdrong jang hơdruh tơdăm năm jang he xơnăm 2021 hăm lơ tơdrong jang kăp gĭt kơyuơ kơ kon pơlei.

          Lêh  Pơtơm tơdrong jang hơdruh tơdăm năm jang he dêh char Đăk Lăk xơnăm 2021 đei pơgơ̆r hăm lơ tơdrong jang nhen:   pơtơm ming man 1 pôm hnam 'mêm kơ eng păng 1 pôm cham teh ƀơlŏng, man 1km trong nơnăm đei unh tơ̆k hơdăh; axong ăn 30 tơpu tơmam ăn dôm unh hnam mă teh đak tơchơ̆t tơgŭm đei tơdrong erih tơnap tap; tơroi tơbăt găh tang găn păng tơjră jĭ Covid-19. 'Nhŏng Y Lê Pas Tơr, Phŏ Ƀĭ thư juăt jang Đoan kơ dêh char Đăk Lăk ăn tơbăt, atŭm hăm dôm tơdrong jang hơtŏk mŭk drăm – tơpôl; pơjing tơring pơxĕl 'nao, tơring kơdrâ̆m gơh rơgei; dôm tơdrong jang kơ đe mơlôh Đăk Lăk lơ̆m tơdrong jang he xơnăm âu gô akŏm  tơgŭm đoan viên hơdruh tơdăm yak hloht ơnap tap yuơ răm đơ̆ng pơrang jĭ, pơtoi hơtŏk tơ iung tơdrong pơtơm jang lơ̆m đoan viên hơdruh tơdăm tơ̆ tơring.

Lan chih păng pơre nơ̆r