VOV4.Bahnar - Lăp pă m^nh gie\ng dơ\ng ‘no\h hlôi tru\h năr Le#h Noel, khei ‘năr au rim hơn^h te\ch mơdro, siêu th^, hnam te\ch mơdro hla bơar lơ\m pơlei tơm Buôn Ma Thuột, dêh char Dak Lăk chă pơdă te\ch mơdro lơ tơmam drăm pơro\, tơmam pôk ăn hơvơn đei lơ bơngai năm răt, tơgu\m pơm ăn jơ ‘năr Le#h Noel chơt hơ iă ‘nă hal.

Kon pơlei rơ\ih răt tơmam pơro\ năr Noel

Chă yak tơ\ rim trong tăp dăr kơchơ tơm Buôn Ma Thuột nhen: Lý Thường Kiệt, Quang Trung, Y Jút, Hai Bà Trưng… lơ tơmam drăm pơro\ tơgum ăn năr le#h Noel hlôi đei chă pơdă te\ch mơdro hăm lơ kơmau ‘lơ\ng lie\m. Bơngai chă răt jei mơ suơ\t mơ soăt. Mo\ Trần Thị Minh Hoa, oei tơ\ phương Thắng Lợi, pơlei tơm Buôn Ma Thuột tơbăt: “U|nh hnam bơ\n j^ u\nh hnam lui khop nei kơna tru\h pơyan noel ‘no\h ba năm tơ\ au chă răt tơmam pơro\ vă kơ ‘lơ\ng lie\m ăn pơbu\ng hnam păng pơm ăn năr le#h chơt hơ iă hlo\h dơ\ng. ‘Long hơngo păng hơgơ\p tơmo ‘no\h ư\h kơ gơ\h kơ [a\h ôh. Mă đơ\ng đei [ơm kơ ne# đơ\ng j^ hơbu\h Covid-19 jang sa io\k đei kơ u\nh hnam ư\h gan đei kơna ba chă răt ‘long hơ ngo ie\ [iơ\, tơmam to\ se\t [iơ\. Hơmo\ Noel sơnăm au gô đei lơ tơdrong chơt hơ iă ‘nă hal păng hiôk chơt hlo\h dơ\ng lơ\m m^nh sơnăm mơnat tat”.

Tơ\ m^nh [ar hơn^h tơm mơdro, siêu th^ … dôm ‘long hơngo Noel đei pơro\ tôch kơ ‘lơ\ng, hlôi jing hơn^h pơchơt pơ hiơ\ lơ\m gơmăng Noel

Kiơ\ đơ\ng tơngla rim hơn^h te\ch mơdro, tơdrong chă pơro\ năr Noel roi năr roi lơ, kơna đơ\ng năr blu\ng khei 12, lơ hơn^h jang, hơn^h mơdro sa hlôi ap^nh răt io\k ‘long hơngo t^h vă pơro\, găh khei ‘năr au găh lơ kon pơlei răt chă pơro\ lơ\m u\nh hnam kơ d^h. Pơtêng hăm sơnăm sơ\, hơn^h te\ch mơdro tơmam pơro\ đei lơ kơ loăi ‘lơ\ng lie\m, kơ jă păh ai kơna te\ch mơdro hlot lơ. Vă sơ đơ\ng măh mai te\ch mơdro dôm tơmam drăm pơro\, tơmam pôk ăn hăm kơ jă pha ra d^h băl, đơ\ng dôm tơmam m^nh [ar rơbau hlak jên nhen: plei châu, plei lơ kơmau, pơkao tuyêt, tơlei dreng jơk d^ng tru\h ‘long hơngo, rup man Me\ maria đei kơ jă tru\h m^nh [ar triu hlak jên… Yă Lê Thị Thu Na, tơngla m^nh hơn^h te\ch mơdro tơmam drăm pơro\ Noel tơ\ pơlei tơm Buôn Ma Thuột tơbăt:“ Sơnăm au [o#h đe răt lơ tơmam drăm hơtol pơro\ tơ\ u\nh hnam hlo\h. Jei nhen rim sơnăm đe răt yua dôm tơmam kăl nhen bơngai tuyêt, [ok Noel, ‘long hơngo kơ loăi ie\ đơ\ng 80.000 hlak jên – 200.000 hlak jên lơ\m 1 to\, t^h [iơ\ đơ\ng 500.000 hlak jên – 700.000 hlak jên lơ\m 1 to\ ‘long, gơvang pơkao pơro\ kơ jă đơ\ng 130.000 hlak jên – 250.000 hlak jên. ‘Ngoăih kơ ‘no\h, kơthơ hmach năr Noel jei jing tơmam drăm đei lơ bơngai ap^nh răt kơ jă đơ\ng 10.000-50.000 hlak jên.

Sơnăm au, kơ yuơ đei [ơm kơne# đơ\ng j^ hơbu\h Covid-19 lơ kon pơlei tơ\ pơlei tơm Buôn Ma Thuột, dêh char Dak Lăk tơbăt gô ‘măn lơ jơ ‘năr sơng năr Noel lơ\m hnam hăm u\nh hnam. Jei kơ yuơ lơ lo\h tơdrong mơ suơ\t mơ soăt chă năm răt tơmam drăm, hơmet ming hnam tơno\ hlôi tơ [o#h hơdăh ‘me\h vă m^nh pơyan Noel ph^ tơto\ dơno\ ‘lơ\ng dơ\ng kơ jăp păng hơnu\p hơnoa kơ kon pơlei.   

Bơngai ch^h: Hương Lý

Tơblơ\ nơ\r: Amazưt