VOV4.Bahnar - Anih vei lăng kon pơ lei dêh char Dak Lak ‘nao tơ lĕch trong jang bơ̆ jang kiơ̆ rơ̆ih tơ mam kơ măy kơ mŏk tơ ring tơ rang ‘lơ̆ng sơ năm 2021. Tơ drong rơ̆ih iŏk vă chă ƀôh păng pôk pơ ư dôm tơ mam kơ măy kơ mŏk tơ ring tơ rang ‘lơ̆ng, iŏk yua lơ, đei tơ mam ‘lơ̆ng hơ tŏk tơ iung vă đei trong tơ lĕch jang tơ gŭm hơ tŏk tơ iung pơm tơ lĕch, roi tơ ƀôh tơ mam păng pơ trŭt mơ dro sa, tơ gop pơ trŭt hơ tŏk tơ iung kơ măy kơ mŏk tơ ring tơ rang. Tơ mam vang rơ̆ih iŏk ư̆h kơ pơm glăi tơ drong hơ găt găh tơ drong iŏk yua tơ drong hơ gei, tơ drong iŏk yua kơ măy kơ mŏk, kĕ pơm tơ lĕch lơ, pơm lăp đei ‘mĕh vă mơ dro sa păng ư̆h kơ sĭ tơ mam pơm tơ lĕch kơ dih. Sơ năm 2020, lơ̆m dêh char đei 14 tơ mam kơ măy kơ mŏk tơ ring tơ rang ‘lơ̆ng tơ̆ dêh char păng 5 tơ mam đei pôk pơ ư tơ̆ tơ ring tŏk bŏk– Tây Nguyên.

Thuem: Tơ blơ̆