VOV4.Bahnar -  Dak Lăk hlôi trŭh lơ̆m pơyan tŏ pơđang, tơdrong ‘mĕh vă iŏk yua ŭnh hơyuh tôch kơtang. Vă sơđơ̆ng đei ŭnh hơyŭh hơnơ̆ng păng sơđơ̆ng, mă kăl tơgŭm ăn chă pruih đak ăn rơbau hektar chehphe, tiu, Hnam kmăi ŭnh hơyŭh Dak Lăk hlôi tơlĕch trong jang pơtrŭh sơđơ̆ng ŭnh hơyŭh lơ̆m pơyan phang au.

Hrei au, pơtrŭh dơ̆ng ŭnh hơyŭh tơ̆ Dak Lăk hlôi tŏk dang 7% pơtêng hăm dôm sơnăm hơdrol. Vă sơđơ̆ng pơtrrŭh ŭnh hơyŭh, hnam kmăi ŭnh hơyŭh Dak Lăk hlôi iŏk yua jơnei kmăi kmŏk mini SCADA đeoi kơtĭt đơ̆ng hơtăih; tĕnh koăng chă dăng tơgoăt tơlei ŭnh hơyŭh ‘nao; hơlen pơlăp dơ̆ng kmăi ƀiên ap ăn rim tơring kăl ... Hơnih jang ŭnh hơyŭh jei atŏk kơtang dăr lăng tơlei kmăi kmŏk ŭnh hơyŭh, iung jang hơdoi kơ jăp hăm tơring lơ̆m iŏk yua pơtrrŭh ŭnh hơyŭh. Kŏng ty ŭnh hơyŭh Dak Lăk athei đĭ đăng 15 hơnĭh jang đei trong jang ‘lơ̆ng hơ iă păng hơmet ăn kmăi kmŏk ƀiên ap răk hơlau vă sơđơ̆ng pơtrrŭh ŭnh hơyŭh ăn tơmoi iŏk yua lơ̆m tơring.

Tơblơ̆ nơ̆r: Amazưt