VOV4.Bahnar - 136 ‘nu kŏng nhân tŏk bŏk arih păng bơ̆ jang tơ̆ dêh char Tây Ninh hlôi brŏk truh tơ̆ Dak Lak păng đei ăn mơ̆t lơ̆m anih ăn oei hơ drô̆ akŏm kiơ̆ tơ drong hơ găt vă tang găn jĭ COVID -19. Đơ̆ng rŏng kơ brŏk truh tơ̆ Dak Lak, pơ đĭ 136 ‘nu hlôi ba truh ăn oei hơ drô̆ tơ̆ Hơ nih pơ tho pơ hrăm khŭl linh, hnam trưng Đại học Tây Nguyên păng đei iŏk đak muh hơ len lăng COVID –19. Pơ tôch hơ len lăng ‘măng mă 1 đĭ đăng 136 đak muh tă kơ hoei kơ ƀôh jĭ hăm SARS-CoV-2. Vă veh ver hơ mơt tơ poh băl lơ̆m hơ nih anw oei hơ drô̆, rim ‘nu hlôi đei hơ met ăn lơ̆m dôm hơ nih pha ra băl kiơ̆ kơ sô̆ kơ liêu vắc xin hlôi ƀet.

Khei ‘năr ăn oei hơ drô̆ đơ̆ng 1 ‘nu kon pơ lei gô pơ mơ̆ng lơ̆m tơ drong đĭ ƀet dăh mă tam mă đei ƀet vắc xin COVID -19 păng pơ tôch hơ len lăng ưh kơ đei ƀôh jĭ virus SARS-CoV-2.  Truh jơ năr âu, dêh char Dak Lak tam mă tơ lĕch trong jang sơng iŏk kon pơ lei brŏk tơ̆ tơ ring kiơ̆ tơ drong ‘nao đơ̆ng rim dêh char găh pơ băh yua kơ tơ mam drăm lơ̆m dôm hơ nih ăn oei hơ drô̆ tam mă vei sơ đơ̆ng tang găn jĭ.

Thuem: Tơ blơ̆