VOV4.Bahnar - Kơ sơ̆ ‘năr (19/11), Anih jang Mặt trận Tổ quốc Việt Nam dêh char Dak Lak hlôi sơng iŏk 1,5 ti hlak jên đơ̆ng rim anih jang tơ gŭm tơ drong jang tang găn jĭ Covid-19, ‘noh đei 1,2 ti hlak jên măt păng 1.000 tơ mam pơ gang hơ met jĭ Covid-19 đei kơ jă 300 triệu hlak jên. Anih jang Mặt trận Tổ quốc Việt Nam dêh char Dak Lak tơ băt, dang ei tơ drong jĭ Covid-19 tơ̆ dêh char tŏk bŏk đei ƀôh tôch kơ krê hơ mơt, kơ sô̆ bơ ngai jĭ hơ nơ̆ng kơ tŏk rim năr, akŏm tŏk truh hloh 6.600 ‘nu, lơ̆m noh đei vă jê̆ 2.500 ‘nu tŏk bŏk hơ met.

Hăm dôm tơ mam sơng iŏk đơ̆ng rim anih jang, Khŭl chĕp kơ̆l Mặt trận Tổ quốc kơ dêh char gô hơ len lăng păng jang hơ dai hăm Anih vei lăng găh tơ drong jang pơ gang klăih song ăn rim anih jang, hnam pơ gang păng rim hơ nih hơ met jĭ Covid-19 vă pơm lăp tơ tom ‘meh vă hơ met ăn dôm hơ nih hơ met bơ ngai jĭ Covid-19 lơ̆m dêh char.

Thuem: Tơ blơ̆