VOV4.Bahnar - Tơ̆ hơnăp đei jĭ hơbŭh Covid-19 pơrăm, Dơnŏ anih vei lăng Hnam trương pơtho pơhrăm Dak Lăk chĭh tơlĕch tơdrong tơchơ̆t kăl găh pơgơ̆r keh đang tĕnh koăng ‘măng pơlong, hơlen hŏk pơhrăm jăl II păng hơtuch sơnăm hŏk; hơmet ming jơ ‘năr pơtho vă tang găn jĭ Covid-19 lơ̆m dêh char. Kiơ̆ kơ ‘nŏh, Dơnŏ anĭh vei lăng Hnam trương hok pơhrrăm Dak Lăk athei rim hơnĭh, hnam trương tĕnh koăng pơgơ̆r pơlong hŏk jăl II păng hơtuch sơnăm hŏk 2020 - 2021 ăn hŏk tro, sơđơ̆ng trŭh đĭ năr 13/5/2021 keh đang. Lăp đơ̆ng rŏng jang keh đang trong jang pơtho pơhrăm, rim hnam trương hơlen mă tơpăt, hơlen hơdăh găh tơdrong hŏk pơhrăm kơ hŏk tro ‘moi kiơ̆ rim hla bơar tơchơt đơ̆ng Dơnŏ anĭh vei lăng Hnam trương pơtho pơhrăm pơtrŭh ăn; iung jang keh đang tơdrong pơtho pơhrăm kiơ̆ tơdrong tơchơ̆t khei ‘năr sơnăm hŏk 2020 - 2021 hlôi đei Dơnŏ anih vei lăng kon pơlei dêh char tơlĕch ăn hơdrol kơ ‘nŏh.

Tơblơ̆ nơ̆r: Amazưt