VOV4.Bahnar - Lơ\m 5 sơ năm âu ki, Công ty jang unh điên Dak Lak tơ le\ch hlo\h 1.200 ti hlak jên vă hơ met ming, man ‘nao 170 an^h pơ truh unh điên vă pơ yoa ăn tơ drong jang xa păng arih xa.

Dak Lak tơ le\ch jên cho# hơ met pơ ‘lơ\ng tơ lei unh điên

Vă pơm lăp hăm tơ drong ‘me\h vă jang to\k mu\k drăm tơ pôl roi to\k, tơ che\ng adrol đơ\ng 2021- 2025, An^h jang unh điên Dak Lak vă hơ nơ\ng tơ le\ch unh điên cho# hơ met tơ lei unh điên hăm kơ so# jên dang 1.500 ti.

Kơ măy [iên ap ‘nao pơm đang  tơ\  Ea Kar

Công ty pơ hno\ng lơ\m khei ‘năr âu tơ drong jang to\k unh điên jo# păh lăp 10%; tơ jur [iơ\ hiong răm unh điên pă hơ la kơ 4,6%; pơ truh unh điên đơ\ng kơ măy [iên ap tơ\ tơ ring kơ drâm ưh gơ\h hơ tăih hlo\h 400m, tơ\ dôm tơ ring nai ‘no\h ưh gơ\h hlo\h 600m; tơ mât yoa khoa ho\k, kơ măy kơ mo\k ‘nao mưh vei lăng tơ lei unh điên vă pơm ‘lơ\ng ăn tơ drong ‘me\h vă jang to\k kơ dêh char.

Dơ\ng: Tơ blơ\