VOV4.Bahnar - Tơ\ Dak Lak tam đei j^ klak nhu\ng Châu Phi, mă lei dôm dêh char tơ til ‘no\h Gia Lai, Dak Nông păng Khánh Hòa đ^ đei tơ drong j^ krê hơ mơt âu bơih. An^h jang thu\ y tơ\ tơ riing, an^h te\ch mơ dro păng bơ ngai rong tơ\ Dak Lak oei tơ le\ch lơ trong jang g^t kăl vă tang găn ‘lơ\ng tơ drong j^ krê hơ mơt âu.

Dôm tơ ‘ngla an^h rong nhu\ng hơ nơ\ng săy vôi vă pơ lôch pơ rang j^

Hrei ‘nâu Dak Lak j^ tơ ring đei nhu\ng lơ hlo\h tơ\ dôm dêh char Tây Nguyên hăm vă je# 77 rơ bâu to\. Ku\m hăm tơ drong pơ jing khul gak prăt măng, prăt năr vă tang găn, mưh đei j^ ‘no\h tơ tom hơ met hloi, An^h jang thu\ y oei jang hơ doi hăm dôm an^h jang kơ pal, an^h te\ch mơ dro păng bơ ngai rong tơ le\ch lơ trong jang kăl nai hai.

An^h jang thu\ y tơ gu\m ăn bơ ngai rong pruih pơ gang, hơ len năng tơ drong j^

Vă tơ drong tang găn j^ klak nhu\ng Châu Phi tơ\ dêh char Dak Lak đei jơ nei ‘lơ\ng, ‘ngoăih kơ tơ drong bơ\ jang pran kơ jăp đơ\ng an^h jang kơ pal, an^h te\ch mơ dro, bơ ngai rong ‘no\h kăl đei đ^ đăng tơ pôl vang ako\m jơ hngam bơ\ jang tang găn tơ drong j^ krê hơ mơt âu hai.

Dơ\ng: Tơ blơ\