VOV4.Bahnar - Anih pơ gơ̆r plang song pham dêh char Dak Lak jang hơ doi hăm lơ anih tơ lĕch tơ drong plang song pham Năr giĕng ƀrê sơ năm 2022. Tơ drong jang mong akŏm đei hlŏh 220 tơ pu pham lơ̆m năr blŭng ‘nŏh ‘năr 8/1. 

Dak Lak tơ lĕch tơ drong jang Năr giĕng ƀrê sơ năm 2022

Kiơ̆ ƀok Nguyễn Đức Phú – Kơ dră Anih krao hơ vơn plang song pham dêh char Dak Lak, hrei ‘nâu tơ drong jĭ Covid-19 oei tôch hơ mơt, tôch krê ưh măh pham vă dŏng, hơ met jĭ lơ̆m sơ năm, kŭm nhen ƀât Têt nguyên đán truh âu kơnh.

Kiơ̆ trong jang, lơ̆m khei 1 âu, vă pơ gơ̆r 6 vât plang song pham, pơ hlom năng iŏk đei đơ̆ng 2.500 – 3.000 tơ pu pham. Kơ sô̆ pham iŏk đei gô đei gơih ăn Hnam pơ gang pham păng truyên pham trung ương dang 1.000 tơ pu, oei đei dêh char ‘măn răk dang 2.000 tơ pu vă dŏng, hơ met jĭ ƀât Têt nguyên đán.

Dơ̆ng: Tơ blơ̆