VOV4.Bahnar - Kơ sơ̆ 4/5, Anih Mặt trận Tổ quốc Việt Nam dêh char Dak Lak hop akŏm tơ lĕch trong pơ gơ̆r tơ ƀâp bơ ngai tăh hla vă dôm bơ ngai lĕch pơ jei pơm bơ ngai tang măt Kuô̆k hô̆i jăl XV, bơ ngai tang măt Jơ nŭm pơ gơ̆r kon pơ lei dêh char jăl 10, đơ̆ng 2021 – 2026 chă krao hơ vơn kon pơ lei.

Jơ bơ̆ jang lơ̆m hop akŏm

Kiơ̆ tơ drong roi tơ băt hơ năn dôm bơ ngai lĕch pơ jei pơm bơ ngai tang măt Kuô̆k hô̆i jăl XV păng Jơ nŭm pơ gơ̆r kon pơ lei dêh char Dak Lak jăl X đơ̆ng 2021-2026, dêh char Dak Lak đei 15 ‘nu bơ ngai lĕch pơ jei pơm bơ ngai tang măt Kuô̆k hô̆i jăl XV (lơ̆m nŏh đei 04 ‘nu bơ ngai đơ̆ng Trung ương) đei asong năm krao hơ vơn tơ̆ 03 anih pôk rơih; 125 ‘nu bơ ngai lĕch pơ jei pơm bơ ngai tang măt Jơ nŭm pơ gơ̆r kon pơ lei dêh char jăl X, đơ̆ng 2021-2026 đei asong krao hơ vơn tơ̆ 20 anih pôk rơih.

Dôm hop akŏm tơ ƀâp bơ ngai tăh hla đơ̆ng bơ ngai lĕch pơ jei pơm bơ ngai tang măt Kuô̆k hô̆i jăl XV păng bơ ngai tang măt Jơ nŭm pơ gơ̆r kon pơ lei jơ̆p tơ ring tơ̆ dêh char Dak Lak đơ̆ng 2021-2026 đei pơ gơ̆r đơ̆ng ‘năr 5/5 truh ‘năr 12/5/2021. Tơ drong pơ gơ̆r hop akŏm tơ ƀâp bơ ngai tăh hla vă krao hơ vơn ăn tơ drong pôk rơih lăp hăm trong tang găn jĭ Covid -19.

Dơ̆ng: Tơ blơ̆