VOV4.Bahnar - Khul jang đơ\ng Tổng Liên đoàn Lao động Việt Nam ‘nao bơ\ jang hăm Liên đoàn Lao động dêh char Dak Lak. Lơ\m jơ bơ\ jang, Kơ dră che\p kơ\l Tổng Liên đoàn Lao động Việt Nam Nguyễn Đình Khang pôk pơ ư dôm tơ drong io\k đei lơ\m rim tơ drong jang đơ\ng Liên đoàn Lao động dêh char khei ‘năr âu ki.

Dôm bơ ngai tang măt bơ\ jang lơ\m jơ hop ako\m

{ok tơ tă, tơ\ hơ năp kơnh, Liên đoàn Lao động dêh char Dak Lak athei tơ le\ch dôm tơ drong jang pran ‘lơ\ng mă tơ drong Tơ chơ\t đơ\ng Hop ako\m mă XII Công đoàn Việt Nam hlôi tơ le\ch; ato\k tơ iung khul đoàn viên, pơ jing khul jang công đoàn pran kơ jăp; pơ tho tơ [ôh pơm hơ to\k tơ drong đei yoa đơ\ng khul kăn [o# jang công đoàn; hơ to\k tơ drong ‘lơ\ng mưh vei lăng, năng tông ăn đe đoàn viên, tơ drong đei yoa kơ tơ pôl; jang ‘lơ\ng tơ drong jang sơ năm 2019, mă loi j^ dôm tơ drong hơ găt kiơ\ nơ\r athei đơ\ng Công đoàn Việt Nam…

Dơ\ng: Tơ blơ\