Kiơ̆ hla ar tơroi đơ̆ng Anih tơm jang Tư phap, tơdrong hơmet ming luơ̆t vă hơmet pơ ‘lơ̆ng dôm tơdrong tam mă lăp lơ̆m Luơ̆t sơnăm 2012, atŭm hăm ‘nŏh tơplih ‘nao mă brĕ tơdrong jang roi tơbăt, pơtho tơƀôh khôi luơ̆t kiơ̆ trong tơmât yoa kơmăy kơmŏk, tơplih hăm kơmăy sô̆ păng tơlĕch lơ trong roi tơbăt.

Dôm tơđrong đei tơlĕch vă pơm hơdăh hơnăp jang đơ̆ng anih jang, khul grŭp, rim bơngai; hơmet mă ‘lơ̆ng trong pơgơ̆r jang đơ̆ng Khul pơgơ̆r mưh jang hơdoi tơ̆ rim jăl; chih tơlĕch dơ̆ng dôm grŭp kăl tơgŭm păng hơtŏk jên jang. Pơma pơtôch hop akŏm, Phó Thủ tướng Lê Tiến Châu pơma hơdăh nơ̆r athei tơplih ‘nao tôm tơdrong, đơ̆ng pơjing trong jang truh pơgơ̆r bơ̆ jang, hơmet ming dôm tơdrong tam mă lăp, ưh kơ hơiă. Atŭm hăm ‘nŏh, athei hơlen năng tơdrong đei yoa đơ̆ng khul jang, pơm ‘lơ̆ng, tơklep hăm hơnăp jang đơ̆ng bơngai chĕp kơ̆l.