Pơgê năr 5/5, tơ̆ dêh char Tây Ninh, Quân uy Trung ương, Hơnih tơm vei lăng Khul linh pơgơ̆r Lêh pơjao Rup man Hồ Chí Minh păng pơjao Ƀăng pôk bơnê đơ̆ng Ƀô̆ trương Hơnih tơm vei lăng khul linh ăn dôm hơnih jang, bơngai jang hơgei lơ̆m tơdrong jang ăn pôk rơih bơngai tang măt Kuô̆k hô̆i jăl 16 păng Hô̆i đŏng kon pơlei dôm jăl jang sơnăm 2026–2031. Năm akŏm păng pơma ah jơ lêh, Đại tướng Nguyễn Trọng Nghĩa, jang lơ̆m Hơnih tơm Chĭnh trĭ, Kơdră Hơnih tơm Chĭnh trĭ Khŭl linh kon pơlei Việt Nam ră hơdah, tơdrong pơjao rup man Ƀok Hô đei kơjă kăp gĭt gah chĭnh trĭ, đon bơnôh kon bơngai, tơbăt ăn đe kang ƀô̆, đảng viên hơnơ̆ng hŏk pơhrăm păng pơm kiơ̆ đon bơnôh Ƀok.  

Đại tướng tơƀôh tơdrong hmach bơnê hăm tơdrong lui yom đơ̆ng bơngai tah hla ah mă đei pôk jang tang măt Kuô̆k hô̆i jăl 16, atŭm hăm noh sơkơ̆t hơdah gô pơtoi hơdrin vei sơđơ̆ng đon bơnôh chĭnh trĭ, tơguăt hăm kon pơlei, tơmơ̆ng nơ̆r kon pơlei pơtruh. Ƀok adoi pơtruh nơ̆r hăm dêh char Tây Ninh hơtŏk kơtang tơdrong hŏk pơhrăm păng pơm kiơ̆ nơ̆r Ƀok, pơjing khul kang ƀô̆ “đei đon 'lơ̆ng, gơh hơgei”, hơtŏk tơguăt tơguăl khul linh – kon pơlei, tơgop vei sơđơ̆ng tơpôl păng hơtŏk tôm tơdrong tơ̆ tơring.