Tơring jang mŭk drăm găh Pơbăh Phú Yên đei năng jĭ anih vă jang tŏk tơm găh tơring Hơlĕch kơ dêh char Đắk Lắk, hăm trong vă jang kơmăy kơmŏk trăp, logistics păng pơm tơnŏk duk. Tơdrong tơm hrei ‘nâu 'nŏh jĭ 2 tơdrong jang tih yoa Grŭp jang Hòa Phát tơlĕch jên jang, đei Tơring jang kơmăy Hòa Tâm (vă jê̆ 492 ha, jên jang hlŏh 4.188 ti) păng Tơnŏk duk Bãi Gốc (xă hlŏh 306 ha, jên jang dang 16.300 ti, đei kơsư̆k chơ pơdŭ tơmam truh 26,7 triu tân 1 sơnăm).

'Nâu jĭ dôm tơdrong jang tih, gĭt kăl, gơ̆h sơng iŏk lơ anih tơmât jên jang truh păng pơjing đei anih jang kơmăy kơmŏk – pơvih pơvăn tơter đak dơsĭ. Mă lei, dôm tơdrong jang oei đei lơ tơdrong tơhlăk nhen ưh kơmăh tơmam ming man, tơhlăk găh hla ar teh, anih jang unh điên – đak păng ưh jăh pơjing ming dơ̆ng tơring oei xa 'nao. 'Nâu kŭm jing dôm tơdrong mă dêh char oei akŏm jơhngâm hơmet pơ 'lơ̆ng lơ̆m khei bơ̆ jang tơm âu.