VOV4.Bahnar – Dơ no\ an^h vei lăng kon pơ lei dêh char Dak Lak ăn tơ băt, đơ\ng dang ei truh sơ năm 2030 vă mong ako\m, tơ mât 992 ti hlak jên bơ\ jang tơ drong ‘mơ ‘met unh hơ yuh tơ\ an^h jang, an^h te\ch mơ dro, unh hnam păng unh tơ\k rok trong.

Tơ drong tơm đơ\ng tơ drong jang âu ‘no\h truh sơ năm 2025, ‘mơ ‘met đơ\ng 3-5% kơ so# unh hơ yuh đei yoa lơ\m dêh char; tơ jur [iơ\ tơ drong hiong huach mưh pơ truh unh, te\ch le jur hơla kơ 6,5%; 70% an^h te\ch mơ dro lơ\m tởing jang kơ măy păng 50% an^h jang nai vang jang kiơ\ trong ‘mơ ‘met unh hơ yuh đei yoa ‘lơ\ng; 60% hnam trưng pơ gơ\r roi tơ băt, pơ tho tơ [ôh găh tơ drong io\k yoa unh hơ yuh ‘mơ ‘met, đei yoa ‘lơ\ng.

Dơ\ng: Tơ blơ\