VOV4.Bahnar – Kiơ̆ chih hơlen đơ̆ng Anih Axong jang, Linh jĭ rơka păng Tơpôl dêh char Đăk Lăk, đơ̆ng blŭng xơnăm truh năr  20/5 âu ki, lơ̆m tơring kơ dêh char đei 23 hơ ioh lôch yuơ glơ̆k tơ̆ đak. Dang ei, dêh char Đăk Lăk hlôi mơ̆t lơ̆m pơyan 'mi, đak tơ̆ dôm dơnâu, đak glung đak krong... tŏk blai. Atŭm hăm noh, mă tơdrong choh jang xa lơ̆m dôm mir pơgar ka phê, tiu kơ kon pơlei đei dôm tơring mong đak vă ruih ăn 'long pơtăm adoi hli hlơt hăm hơ ioh. 'Nâu duh jing khei năr hơ ioh pơtơm pơdơh hŏk noh tơdrong xar bar lôch glơ̆k tơ̆ đak hơnơ̆ng kơ đei. Kiơ̆ Anih Pơtho Pơhrăm dêh char Đăk Lăk, tơdrong lôch glơ̆k tơ̆ đak hăm hơ ioh hơnơ̆ng kơ ƀôh ăh khei pơdơh kơ hŏk, yuơ noh adrol kơ pơtôch xơnăm hŏk 2020-2021, Anih jang hlôi pơgơ̆r dôm anih jang hơtŏk tơroi tơbăt truh hăm đe mĕ ƀă păng hŏk tro găh tơdrong vei lăng kon hơ ioh păng pơhrăm găh tơdrong hlôh vao lơ̆m tang găn păng tơjră xar bar lôch glơ̆k tơ̆ đak ăn đe hŏk tro vă tang găn dôm tơdrong jĭ bơnôh lơ̆m tơdrong erih.

Lan chih păng pơre nơ̆r