VOV4.Bahnar - Joh ayo\ ching chêng nhen le\ je# hiơt hiong tơ\ lơ pơlei pơla lơ\m dêh char Dak Lak. Mă lei tơ\ pơlei Ko\ Mleo, xăh Hòa Thắng, plei tơm Buôn Ma Thuột, đei minh khul hơ ioh Êđê duh hăt hot, lu\ lăp hăm tơdrong pơhrăm tôn chêng păng pơdăh tơdra dôm [ai chêng tôn.

Tơ\ hơla yưp ‘long kơxa tơje# hnam hơku\m tơpôl tơ\ pơlei Ko\ Mleo, xăh Hòa Thắng, plei tơm Buôn Ma Thuột, minh khul je# 20 ‘nu oh dro\ nglo bngai Êđê, oh mă ‘la#p hloh noh pơtơm 6 xơnăm, ‘lo\ hloh noh 17 xơnăm, oei hăt hot hơlen păng pơhrăm tôn chêng kiơ\ tơdrong pơtho đơ\ng [ok Y Hiu Niê Kdăm. Đe oh tơ oei tăp dăr [ok kră pơtho, tơhăt lăng rim trong tôn đơ\ng thây pơtho, đơ\ng chă che\p ‘long tôn truh tơ\ tôn tơdra păng ‘nhơ ‘nhe\p [ơ\r [oi kiơ\ tơdra.

Đơ\ng ro\ng kơ pơtho atu\m, [ok thây Y Hiu hơlen dar deh hăm ‘nu oh. Mă ‘nao ho\k mă lei minh [ar ‘nu oh ho\k tơnăp, băt chă tôn bơ\n [ai chêng. Đơ\ng noh [ok thây Y Hiu axong khul, vă đei trong pơtho tơnăp tro\ [lep hloh:“Inh [ôh đe oh duh pơ ‘nam găt ho\k, đe ye\t duh băt hơdăh lai yơ duh đei tơdrong ‘nao, tơdrong ‘lơ\ng adro# kơ hăp. Truh dang ei noh đe oh tơnăp bơih, mă oei đei tơdrong tam mă [lep jat ôh, hăp kiơ\ kơ tơdrong hơbe\ch kơ rim ‘nu bngai. Inh [ôh lăm âu je# tong ane# đe oh adoi ho\k hơbe\ch hloh”.

Pơyan Hè xơnăm âu, lăm pơtho tôn ching chêng ‘măng mă blu\ng đei pơih tơ\ pơlei Ko\ Mleo hăm kxo# jên pơhlom 30 triu hlak jên yuơ anih vei lăng kon pơlei plei tơm axong ăn. Lơ\m 1 khei, [ok Y Hiu gô pơtho ăn đe oh tôn dôm [ai chêng hiôk hloh hăm 2 kơloăi chêng kong păng chêng kram. Rim lăm ho\k đei ako\m tơ\ hnam joh ayo\ ho\k hôp kơ pơlei pơla mă lei ‘năr âu pơlei pơgơ\r hop ako\m kon pơlei noh lăm ho\k hlôi đei ako\m tơ\ hơla tơm kơxa. Mă ho\k tơ\ yơ noh tơdrong lu\ lăp đơ\ng đe oh duh ưh kơ đei lao đon yao.

Lăm ho\k to\k bo\k oei ho\k noh pơmai Hoàng Thị Thủy, Bí thư đoàn xăh Hòa Thắng truh apong, lơ\m ti che\p ba kơdu\ng plei ‘long. Lăm đei tơmoi, đei tơmam, noh đe oh roi hơ iă hloh. Pơmai Thủy ăn tơbăt, âu jing trong vă hơlêm đon bơnôh đe oh, ‘meh vă đe oh gô pơhrăm tơnăp păng ning mônh kơnh xăh gô đei minh khul chêng kram, tơdrong mă xăh hơnơ\ng hơpơi đei:“Vă hơlêm pơtru\t đon bơnôh, hơvơn đe oh vă ‘năr âu năm pơhrăm noh đei răh kô dăh mă thây pơtho truh hơlêm, noh dơning đe oh gô adrin ako\m tôm măt hloh păng hơvơn hloi boăl po năm pơhrăm. Noh hơnơ\ng ăh kxơ\, nhôn axong bngai jang đơ\ng anih joh ayo\ dăh mă khul đoàn năm hơlêm pơtru\t jơhngơ\m hăm đe oh”.

Kiơ\ khôi kơ hơdrung Êđê, adro# bngai ‘lo\ đe\ch gơh yua tôn ching chêng, oei hơ ioh tam tơl xơnăm noh ưh kơ gơh tôn chêng ôh. Mă lei dang ei, [ơ\t ching chêng roi năr roi nhen hiơt hiong, kxo# bngai gơh kloh kle\ch găh hơmet dăh mă tôn ching chêng pă đei lơ păng adoi ‘lo\ xơnăm, tơdrong pơtho pơhrăm tơroh pơ djoi jing kăl hloh. Mă lei, tơdrong mă âu ưh kơ đei hiôk ôh. Vă pơtoi đei minh khul ching chêng, ‘ngoaih kơ tơdrong axong jên vă pơih lăm ho\k, hơvơn thây pơtho, đe oh duh athei pơhrăm hơnơ\ng păng mă g^t noh athei đei cham char ‘măng tôn pơdăh tơdra ching chêng. 

Đơ\ng ro\ng kơ lăm ho\k âu, đei dơ\ng 1 khul tôn ching chêng mơlôh gô đei tơ iung ako\m. Đe oh gô jing khul ching chêng tang măt ăn pơlei pơla vang năm pơlong pơdăh tơdra ching chêng dăh mă năm pơdăh tơ\ âu tơ\ to. ‘Meh vă, jơva ching chêng mă đe oh pơhrăm đei pơ keh hơto\k lơ hloh vă roi năr roi ‘lơ\ng hơ iă ang bang hloh. Jơva ching chêng noh gô kiơ\ hơyak đe oh chă nơnăm, ang bang ataih ja#p jang hloh.

Lan chih păng rapor