VOV4.Bahnar – Kơsơ̆ năr 27/12, Anih Joh ayŏ - Tơplŏng kơdâu păng Tơmang pơhiơ̆ dêh char Đăk Lăk pơgơ̆r hop akŏm hăm dôm anih jang mŭk drăm găh tơmang pơhiơ̆ vă pơma đam găh dôm tơdrong hơvơn tơmoi truh, hơmet tơdrong jang tơmang đơ̆ng rŏng kơ dôm tơdrong răm kơtang đơ̆ng pơrang jĭ Covid-19. Kiơ̆ kơtơ̆ng ang tơ̆ hop akŏm, xơnăm 2021, Tơmang pơhiơ̆ Đăk Lăk ƀơm răm kơtang kơyuơ đơ̆ng pơrang jĭ Covid-19.

Kơsô̆ tơmoi truh dêh char pơhlom 414 rơbâu 'nu; kơsô̆ iŏk yua đơ̆ng tơmang pơhiơ̆ đei 355 tih hlj, tơjur tong anê̆ pơtêng hăm xơnăm 2020. Vă hơmet tơdrong jang tơmang pơhiơ̆, Anih vei lăng kon pơlei dêh char Đăk Lăk hlôi tơlĕch tơdrong jang vei xơđơ̆ng găh tang găn păng tơjră pơrang jĭ Covid-19; hăt hot tơgŭm, pơklaih tơnap tap vă anih jang mŭk drăm dăh hrôih xơđơ̆ng, dar deh đei hơmet. Dêh char gô hơtŏk pran tơbang tơmang pơhiơ̆ hăm dôm dêh char nhen Khánh Hòa, Đà Nẵng hăm dôm tơdrong hơtŏk tơmang pơhiơ̆. Hơtŏk pơ 'lơ̆ng tơmam drăm hăm kơjă păng tơmam drăm trŏ ƀlep.

Lan chih păng pơre nơ̆r