VOV4.Bahnar - Đơ̆ng rŏng 2 giĕng pơ dơh sơng iŏk hla ar hô sơ kơ tă, bơ̆ jang đơ̆ng 30-50% kơ sô̆ bơ ngai jang vă pơm kiơ̆ ư̆h kơ ăn yak vih vơ̆t lơ̆m tơ pôl kiơ̆ tơ chơ̆t 16 đơ̆ng Thủ tướng teh đak, Anih pơ vih pơ văn bơ̆ jang teh đak Dak Lak hlôi bơ̆ jang hmă hơ lơ̆k dơ̆ng hăm đĭ đăng bơ ngai bơ̆ jang pơ vih pơ văn ăn kon pơ lei lơ̆m tơ drong tơ mơ̆t yua tôch ai dôm trong jang hơ met pơ ‘lơ̆ng răh hla ar bơ̆ jang 1 trong hrĕnh hloh hơ met răh kơ sô̆ kon pơ lei năm pơm hla ar rim năr, tang găn tŏ sĕt hloh hơ mơt tơ poh lanh jĭ hơ buh. Yua đơ̆ng ‘mĕh vă hơ met pơ ‘lơ̆ng hla ar hô sơ đơ̆ng kon pơ lei tŏk, rim khŭl jang kơ anih jang hlôi hơ vơn đĭ đăng bơ ngai jang sơng iŏk, hơ met pơ ‘lơ̆ng hrĕnh hla ar hô sơ pơ vih pơ văn teh đak vă vei sơ đơ̆ng hơ dai 2 tơ drong hơ găt: hơ met pơ ‘lơ̆ng tơ tĕnh rim hla ar bơ̆ jang, khŏm tang găn jĭ hơ buh, hơ drin pơ vei păng hơ tŏk ‘lơ̆ng kơ sô̆ hơ met pơ ‘lơ̆ng hla ar bơ̆ jang ƀlep păng hơ drol khei ‘năr pơ kăp đei hloh 99,9%.

Thuem: Tơ blơ̆