VOV4.Bahnar - Xơ\ jang lơ\m khul hơdruh tơdăm xung phong lơ\m khei năr tơblăh vang, dang ei chôt vih hăm tơdrong erih hmă, lơ yă [ok jang xung phong xơ\ tơ\ dêh char Dak Lak adoi oei hăt hot hăm tơdrong pơm jang, pơ ‘nam lơ\m tơdrong jang tơpôl kiơ\ tơdrong pơkăp “oei mơlôh iung jang, ăh kră athei yuk trong hơlâu”.

Xơnăm âu to\k 73 xơnăm, mă lei [ok Nguyễn Hữu Mại, oei tơ\ thôn 2, xăh Ea Bhôk, apu\ng Chư\ Kuin, dêh char Dak Lak duh adrin jang xa, hơto\k mu\k drăm unh hnam păng tơgop jơhngơ\m po lơ\m tơdrong jang tơpôl tơ\ tơring. Xơ\ jang lơ\m khul hơdruh tơdam xung phong ăh chăl tơblăh Mih, [ok Mại ưh kơ hiơt khei năr tơnap hli hlơt noh tơ\ dôm kơdrăn tơblăh [enh kơ [ôm ‘mra#m vă pơih trong. Klo hơkăn [ok ưh kơ hli hăm tơdrong tơnap tap, jang tôm tơdrong đơ\ng chă mơng teh choh pơtăm, dônh nhôm như\a chă te\ch, mong đei jên noh răt hơgăt teh ie\ pơtăm cà phê atu\m hăm ‘long pơm pơnăn xa.  

Lơ xơnăm adrin pơ ‘nam jang, truh dang ei, unh hnam [ok đei hloh 1 ha minh puơ\t teh pơtăm tiu to\k giơ\ng ‘lơ\ng, đei yua hloh 700 triu hlak jên rim xơnăm. Kon hơ ioh [ok adoi tih vơ\ păng đei tơdrong erih xơđơ\ng. Xơnăm ‘lo\, jơhngơ\m jăn pă đei pran nhen adrol ki, klo hơkăn [ok Mại che\p vei đon bơnôh hơdruh tơdăm jang xung phong xơ\ hăm tơdrong hăt hot jang lơ\m gru\p tơpôl tơ\ tơring, tơgop lơ\m jene mong tơgu\m khul gru\p erih xa tơnap tap hơto\k mu\k drăm.

{ok Nguyễn Hữu Mại ăn tơbăt:“Dang ei unh hnam đei mu\k drăm brăm [iơ\ bơih, inh adoi jang [lep tơdrong jang tơpôl, vang jang lơ\m anih mong jên tơgu\m tơpôl, vang jang dôm tơdrong jang yuơ mặt trận păng đảng ủy tơle\ch, pơtih nhen dôm ‘măng mă jơnu\m jang găh linh xo hơvơn bơngai jang tơgop hơdre\ch tiu axong ăn ‘nho\ng oh lơ\m khul jang tơ\ dôm jơnu\m jang nai truh tơ\ hnam inh vă chă kăt io\k”.

{ok Trần Xuân Bình, kơdră Jơnu\m yă [ok jang xung phong xơ\ tơ\ xăh Hòa Khánh, plei tơm Buôn Ma Thuột jang xung phong xơ\ hăm xơnong jang pơih trong ăn tơdrong tơblăh tơjră Mih đơ\ng xơnăm 1965 đang kơ noh jang lơ\m anih linh, vang tơblăh tơ\ kơdrăn tơblăh  Tây Nguyên, tơring xơlam găh tu, jang xơnong jang apu\ng plenh teh tơ\ teh đak Cam Pu Chia. Chôt vih hăm tơdrong erih ăh chăl rơngei hiôk hian, [ok Trần Xuân Bình rơih tơring teh Dak Lak nhen pơlei pơla mă 2 kơ po. Hăm kơchư\k Kơdră Jơnu\m yă [ok jang xung phong xơ\ tơ\x ăh Hòa Khánh, rim [lon noh 2 năr [ok Bình jang tơ\ anih jang vă chă đo\k hơlen hla bar chih tơroi găh tơdrong pơkăp jang tơgu\m ăn yă [ok jang xung phong xơ\. Jơ ‘năr nai noh, [ok năm truh rim hnam vă chă apinh jet gia pơma dơnuh băt găh tơdrong erih bơngai vang jang, tơroi găh trong pơkăp jang ‘nao vă rim bơngai jang lơ\m khul băt hơdăh păng io\k jang. Gơnơm thoi noh mă tơdrong jang kơ Jơnu\m yă [ok jang xung phong xơ\ tơ\x ăh Hòa Khánh roi năr roi ato\k tơ iung.  

Đơ\ng tơ iung pơjing truh dang ei, jơnu\m jang man đei 3 to\ hnam ‘mêm kơ eng hăm kơjă truh 300 triu hlak jên ăn 3 ‘nu jang lơ\m khul mă đei tơdrong erih tơnap tap, tơgu\m ăn jơnu\m kơdră kơpal tơgu\m ăn 59 ‘nu jang, dôm xơnong pơyua hăm bơngai jang đei jơnu\m jang io\k jang tơnăp. Đơ\ng xơnăm 2012 truh dang ei, jên mong tơgu\m bôl boăl khul gru\p lơ\m tơring yuơ [ok ako\m păng hơvơn tơgop hlôi tơgu\m đei lơ unh hnam vang jang lơ\m jơnu\m yak hloh tơnap tap, klaih đơ\ng hin dơnuh.  

Yă Nguyễn Thị Thanh Hồng, kơdră Jơnu\m yă [ok jang xung pho\ng xơ\ kơ plei tơm Buôn Ma thuột xơkơ\t:“Đơ\ng ako\m khul jang, xư jang kơdră truh dang ei. Jăh vă akhan âu jing bơngai tơnăp tôm xơnong jang hăm bơngai vang jang, hăm jơnu\m jang. Xư hlôh vao găh jơnu\m jang, găh dôm tơdrong pơkăp jang, băt hơdăh tơchơ\t đơ\ng Đảng, teh đak hăm yă [ok jang xung phong xơ\ păng vang janga tu\m hăm dôm anih jang kơ teh đak xek tơlang tơnăp dôm tơdrong tơgu\m ăn yă [ok jang xung phong xơ\”.

Ưh kơ adro# hăt hot lơ\m tơdrong jang tơpôl, [ok Bình oei yuk trong hơlâu lơ\m hơto\k mu\k drăm. Lơ\m hơgăt teh 1 ha teh kơ unh hnam, ‘ngoaih kơ pơtăm cà phê păng 300 tơm tiu, [ok oei pơtăm hrau ‘long na, [ơr păng rong ier lơ\m pơgar. Rim xơnăm, ưh kơ jo# jên hoach, [ok đei yua hloh 100 triu hlak jên dơ\ng.  

Hăm tơdrong adrin vang jang lơ\m tơdrong jang tơpôl, [ok Trần Xuân Bình hlôi đei pôk hơnăn kăp g^t noh: Kơdră pơgơ\r jơnu\m jang rơgei, đei [ok kơdră teh đak pôk ăn mê đai tơblăh ayăt tăl mă 2, mê đai linh nuih mơng tăl mă 3 păng lơ hla bar pôk bơnê đơ\ng dôm jăl jang. Tơroi găh tơdrong jang hlôh vao kơ po. {ok Trần Xuân Bình tơroi:“Adrol hloh noh athei xơ\n jơhngơ\m păng ưh kơ đei hroh hrei, jang truh dang yơ kơjăp dang noh. Mă 2 noh ưh kơ gơh lao đon. Lơ\m tơdrong erih jang mu\k drăm noh inh duh đei ‘măng jang ưh kơ đei xa ôh, pơtih nhen pơtăm cà phê, kơjă tơjur oei pă 4000 hlak jên, inh oei adrin jang, tuh pho\ng. Đơ\ng ro\ng kơ noh kơjă to\k xơđơ\ng [iơ\ noh tơdrong erih unh hnam da [iơ\ mơ\n. Atăm lơ\m tơdrong erih athei pơ ‘nam păng athei băt chă mong [iơ\, bătt glơng dih băl. Klo hơkăn kon hơ ioh băt tơguăt tơgu\m băl, adoi hăt hot pơm jang tơdrong jang tơ\ tơring, đang kơ noh yuk trong hơkâu lơ\m pơm jang vă hơto\k mu\k drăm unh hnam”.

Găn ga dôm xơnăm tơblăh vang, dôm bngai jang xung phong xơ\ hlôi pơhrăm đei đon bơnôh nuih mơng, ưh kơ hli hăm tơdrong tơnap tap. Dang ei ăh chăl rơngei hiôk hian, mă jơhngơ\m jăn ưh kơ gan pran nhen xơ\, mă lei dôm yă [ok jang xung phong xơ\ duh hăt hot tơgop jơhngơ\m po ăn tơdrong jang atu\m kơ tơring. Đe ye\t jing um ai ang hơdăh găh tơdrong erih  “oei mơlôh iung jang, ăh kră athei yuk trong hơlâu”.

Lan chih păng rapor