VOV4.Bahnar - Lơ\m xơnăm 2016, Anih jang ‘long pơglang brê dôm jăl jang kơ dêh char  Dak Lak hlôi jang tơnăp xơnong pơm gơng tơroh, axong jang ‘mêm bơnat hăm kơjă jên je# 50 tih hlak jên. Pơm kiơ\ pơkăp “Tết yuơ kon pơlei hin dơnuh păng bơngai [ơm pơgang pơnhu\l da cam”, tơdrong jang “Anih mong rơmo - Atu\m jơhngơ\m hăm kon pơlei dôm apu\ng hin dơnuh, xăh xơlam teh pơjing tơring pơxe\l ‘nao”, tơdrong hơvơn “Rim anih jang, tơ ‘ngla bơngai jang tơguăt hăm minh anih jang ‘mêm bơnat” păng “Khei pơm jang yuơ bơngai [ơm pơgang pơnhu\l da cam”, ja#p dêh char hlôi hơvơn păng axong hloh 53.000 tơpu tơmam, xơng io\k păng axong  76 to\ rơmo, tơgu\m hơnơ\ng ăn hloh 1.700 unh hnam kon pơlei hin dơnuh, bơngai [ơm pơgang pơnhu\l da cam hămkơxo# jên hloh 20 tih hlak jên. Tơje# hăm noh, dôm jăl jang, xơng io\k hloh 200 khul jang truh tơgu\m păng axong hloh 61.000 tơpu tơmam ăn kon pơlei hin dơnuh; axong 17 to\ hnam, 16 suất jên ho\k, 100 tơpu tơmam ăn kon pơlei hin dơnuh păng bơngai [ơm pơgang pơnhu\l da cam…

Lan chih păng rapor