VOV4.Bahnar - Dơ no\ an^h vei lăng kon pơ lei dêh char Dak Lak ‘nao tơ le\ch Trong pơ tho, hla hok phô tho\ng ‘nao lơ\m dêh char đơ\ng 2019-2025.  Kiơ\ kơ ‘no\h sơ năm ho\k 2020 - 2021, dêh char vă pơ gơ\r pơ tho, tơ mât yoa hla ar ho\k phô tho\ng ‘nao io\k đơ\ng lăm 1; dar de\h kiơ\ dôm sơ năm ho\k gô tơ le\ch pơ tho đơ\ng lăm 2 to\k tơ\ kơ pal; vă truh sơ năm 2025 ‘no\h tơ mât yoa đ^ đăng tơ drong pơ tho pơ hrăm ‘nao ăn rim lăm ho\k.

Lơ\m khei ‘năr âu mơ\n, dêh char Dak Lak vă pơ tho ming khul thây kô pơm lăp hăm tơ drong pơ tho pơ hrăm, hla ar ho\k phô tho\ng ‘nao; đei tôm lăm ho\k man kơ jăp pơ tho 2 ‘măng lơ\m 1 năr. Vă jang đei tơ drong ‘nâu, Dơ no\ an^h vei lăng kon pơ lei dêh char Dak Lak tơ le\ch 8 gru\p jang găh pơ tho pơ hrăm, hla ar ho\k phô tho\ng ‘nao.

Dơ\ng: Tơ blơ\