VOV4.Bahnar - Hăm tơ drong tơm vei lăng sơ đơ̆ng ‘lơ̆ng ăn tơ drong pôk rơih, khul linh Công an dêh char Dak Lak oei tơ lĕch lơ trong jang vă vei sơ đơ̆ng lơ̆m tơ pôl pơ yoa ăn tơ drong pôk rơih bơ ngai tang măt Kuô̆k hô̆i jăl XV păng bơ ngai tang măt Jơ nŭm pơ gơ̆r kon pơ lei jơ̆p tơ ring đơ̆ng 2021 - 2026.

Công an Dak Lak pơ gơ̆r khei jang phă hŭt khul pơm yoch

Kiơ̆ Đại tá Lê Vinh Quy, Kơ dră chĕp kơ̆l Công an dêh char Dak Lak, khul linh Công an dêh char oei hơ nơ̆ng pơ gơ̆r bơ̆ jang tang găn dôm tơ drong yoch, dôm tơ drong pơm glăi luơ̆t, phă đĭ dôm anih pơm tơ lĕch tơ drong ưh sơ đơ̆ng vă gơ̆h vei lăng 'lơ̆ng tơ drong pôk rơih bơ ngai tang măt Kuô̆k hô̆i jăl XV păng bơ ngai tang măt Jơ nŭm pơ gơ̆r kon pơ lei jơ̆p tơ ring đơ̆ng 2021-2026.

Dôm anih jang vang pơ jing trong jang, klăih song khul grŭp kiơ̆ tơ ring kăl. Khul linh kanh sat vei lăng trong nơ năm, Kanh sat kơ đŏng, Kanh sat 113 vei kơ jăp tơ ring, hơ tŏk tơ drong dăr joang, vei lăng 'lơ̆ng tơ drong sơ đơ̆ng tơ pôl, sơ đơ̆ng tơ̆ trong nơ năm, vei sơ đơ̆ng tơ̆ dôm anih pơ gơ̆r tơ ƀâp bơ ngai tăh hla păng pơ gơ̆r pôk rơih.

Dơ̆ng: Tơ blơ̆