VOV4.Bahnar – Pơm kiơ̆ nơ̆r hơvơn tơgop tơgŭm răt vaccine păng tơmam drăm y tê̆ tang găn păng tơjră jĭ Covid- 19 đơ̆ng Anih jang Măt trâ̆n tôh kuôk Việt Nam, đơ̆ng rŏng hloh minh giĕng chă hơvơn, minh ƀar anih jang mŭk drăm, tơ 'ngla jang lơ̆m dêh char Đăk Lăk tơgŭm jê̆ 6 tih hlj yuơ 30 anih jang mŭk drăm păng 1 tơ 'ngla chă tơgŭm.

Đơ̆ng rŏng keh đang xơng iŏk, Anih jang Măt trâ̆n tôh kuôk Việt Nam dêh char Đăk Lăk gô pơtruh tôm ăn Jên mong kơ  Anih jang Măt trâ̆n tôh kuôk Việt Nam, 'măn kla jên răt vaccine păng tơmam drăm y tê̆ tang găn păng tơjră jĭ Covid-19 axong ăn dôm tơring. Lơ̆m dôm năr truh, Anih jang Măt trâ̆n tôh kuôk Việt Nam dêh char Đăk Lăk pơtoi iŏk jên tơgŭm đơ̆ng dôm anih jang, tơ 'ngla jang lơ̆m dêh char tơ̆ anih jang kơsô̆ 07 Nguyễn Tất Thành, plei tơm Buôn Ma Thuột, dêh char Đăk Lăk; dăh mă kiơ̆ kơsô̆ tai khoản kơ Jơnŭm jang tơgŭm dŏng dêh char Đăk Lăk (lơ̆m Anih jang Măt trâ̆n tôh kuôk Việt Nam dêh char Đăk Lăk): 3751.0.9035934.0000 - Kho ƀak Nha nươ̆k tinh Đăk Lăk.

Lan chih păng pơre nơ̆r