VOV4.Bahnar - Mă đơ̆ng đei ƀơm ưh kơ ‘lơ̆ng đơ̆ng jĭ hơ buh covid-19 mă lei 11 grŭp hơ găt mŭk drăm - tơ pôl kơ dêh char Dak Nông adoi iŏk đei păng yak hloh tơ drong hơ găt tơ lĕch ăn. Tơ drong kơ tơ̆ng ang đei tơ roi tơ̆ “ Hop akŏm pơ tôch tơ drong jang sơ năm 2021, pơ jao trong vă jang păng tơ lĕch jang hơ năp jang sơ năm 2022”, yua đơ̆ng Anih vei lăng kon pơ lei dêh char pơ gơ̆r kơ sơ̆ ‘năr 16/12. Kiơ̆ tơ roi tơ băt đơ̆ng Anih vei lăng kon pơ lei dêh char Dak Nông, lơ̆m sơ năm 2021, jang tŏk GDP kơ tơ ring đei 8,63%, dơ̆ng mă 7/63 dêh char, pơ lei tơm lơ̆m teh đak; iŏk yua jô̆ păh lăp kơ̆l bơ ngai đei 52,1 triệu hlak jên 1 ‘nu 1 sơ năm.

Jơ Hop akŏm

Thu mong jên jang teh đak đei hloh 3.100 ti hlak jên, yak hloh trong jô̆ hơ len lăng tơ ring pơ jao. Akŏp tơ lĕch jên tơ mơ̆t jang teh đak sơ năm 2021 kơ dêh char ‘noh vă jê̆ 2.117 ti hlak jên, kơ sô̆ tơ lĕch jên đei vă jê̆ 98 % trong tơ lĕch jang.... Găh trong tơ lĕch hơ tŏk tơ iung mŭk drăm - tơ pôl sơ năm 2022, Dak Nông tơ chĕng hơ drol pơ vei kơ sô̆ tŏk GDP đei 7,5%; thu mong jên jang đei hloh 3.000 ti hlak jên; kơ sô̆ ŭnh hnam dơ nuh hin kơ tơ ring tơ jur tơ̆ kơ sô̆ hloh 3%, tơ ring kon pơ lei kon kông đei 5 % tơ̆ kơ pal.

Thuem: Tơ blơ̆