VOV4.Bahnar - Tơ̆ hơnăp hơmơt kơtang pơrang jĭ Covid-19 pơrăm ‘măng mă 3 tơ̆ Campuchia, Dơnŏ anĭh vei lăng kon pơlei dêh char Dak Nông hlôi pơrô̆ athei Dơnŏ anĭh Ƀô̆ đô̆i vei lăng sơlam tĕh đak dêh char păng rim khŭl đei ƀơm trŭh iung jang kơ jăp vei lăng tơdrong mơ̆t lĕch, tang găn jĭ.

Ƀô̆ đô̆i vei lăng sơlam tĕh đak dêh char kăl jang kiơ̆ kơ jăp gak vei lăng rim ‘măng sơlam tĕh đak, rim hơnĭh gak vă tang găn đe mơ̆t, đe mơ̆t kkĕnh kiơ̆ trong sơlam tĕh đak lơ̆m dêh char. Rim hơnĭh bơ̆ jang lơ̆m tơring vei lăng kơ jăp kon pơlei mơ̆t oei lơ̆m tơring. Dơnŏ anĭh chĕp pơgơ̆r tang găn jĭ Covid-19 dêh char Dak Nông tơbăt, atŭm hăm atŏk kơtang rim trong jang dăr lăng, tang găn jĭ, Dak Nông jei iung jang kơtang hơmet ăn kmăi kmŏk, pơgang vă hơmet tơtom tơdăh đei pơrang jĭ Covid-19 pơrăm.

Tơblơ̆ nơ̆r: Amazưt