VOV4.Bahnar  – Năr 9/8, dêh char Đak Nông đei dơ̆ng 7 ‘nu ƀơm virus SARS-CoV-2. Lơ̆m noh đei 2 ‘nu hơ ioh 1 xơnăm noh F1. Pơđĭ 2 ‘nu hơ ioh drŏ nglo N.T.T păng H.K.D (adoi rơneh xơnăm 2020) oei tơ̆ apŭng Đăk Glong, Đăk Nông adoi F1 kơ bơngai ƀơm jĭ kơsô̆ pơkăp 165470 H.C.N (rơneh xơnăm 1962). Pơmai H.C.N jang xĭt hơbăn ao đơ̆ng plei tơm HCM chôt vih Đăk Nông. Năr 3/8, pơđĭ bre hơ ioh drŏnglo âu đei ‘nhăk pơkăp oei tơklăh minh ƀôt, anih jang y tê̆ hlôi iŏk hơlen pham kiơ̆ tơchơ̆t. Truh năr 9/8, 2 ‘nu hơ ioh âu đei hơlen pơrang jĭ hăm pơkăp kih thuơ̆t RT-PCR păng đei ƀơm virus SARS-CoV-2. Jô̆ truh kơsơ̆ năr 9/8, dêh char Đăk Nông đei 155 ‘nu ƀơm jĭ COVID-19. Lơ̆m noh đei 12 ‘nu bơngai hlôi đei hơmet klaih, axong lĕch đơ̆ng hnam pơgang.

Lan chih păng pơre nơ̆r