VOV4.Bahnar - Đơ̆ng vă đĭ khei 4 au ki, Hnam kmăi ŭnh hơyŭh Dak Nông đei pơlăp kmăi hơlen đơ̆ng hơtăih băt hơdăh tơdrong đe iŏk yua ŭnh hơyŭh glăi. Lăp đơ̆ng rŏng 1 poăt khei jang kiơ̆, dơnĭh au hlôi đei ƀô̆h 100 ‘nu bơngai iŏk yua đei yua ŭnh hơyŭh tŏk kơtang lơ̆m năr, lơ hlŏh 10 ‘măng pơtêng hăm khei ‘năr hmă.

Kang ƀô̆ hơnĭh jang ŭnh hơyŭh hlôi năm trŭh tơ̆ hnam vă tơgŭm dăr lăng hơlen jơ ŭnh hơyŭh. Pơtôch dăr lăng đei lơ ŭnh hnam tơlei ŭnh hơyŭh tơ ‘ngit hrip băl.

Tơdrong jang kmăi hơlen băt hơdăh đơ̆ng hơtăih ŭnh hơyŭh ư̆h sơđơ̆ng

Kang ƀô̆ kih thuơ̆t hlôi tơtom ming hơmet ăn pơ ‘lơ̆ng, pơm sơđơ̆ng ăn iŏk yua ŭnh hơyŭh. Đei băt Dak Nông hrei au hlôi pơlăp ăn vă jê̆ 100% Kŏng tơ ŭnh hơyŭh ăn tơmoi. Tơdrong iŏk yua kmăi “tơbăt đei tơdrong chrĭh” hlôi tơgŭm gĭt kăl lơ̆m atŏk kơtang pơtrŭh ŭnh hơyŭh sơđơ̆ng ‘lơ̆ng ăn kon pơlei.

Tơblơ̆ nơ̆r: Amazưt