VOV4.Bahnar - Vă veh ver tơ poh lanh yŏng jĭ SARS-Cov-2 lơ̆m tơ pôl, dêh char Dak Nông hlôi athei rim khŭl jang kơ pal tơ tom jang kiơ̆ rim trong jang răp hơ len, ăn oei hơ drô̆, chĕng song trong hăm dôm bơ ngai brŏk đơ̆ng tơ ring jĭ vă tang găn jĭ Covid-19.  Tơ̆ hơ nih răp găn Cai Chanh ‘noh ‘măng mơ̆t mă blŭng lơ̆m rim dêh char Tây Nguyên: Khŭl jang kơ pal Dak nông hlôi tơ tĕnh chĕng song trong mă lăp, tang găn tơ drong rim gre dơ̆ng vă veh ver tơ poh lanh jĭ hơ buh. Hơ dai hăm hơ len lăng kơ jăp hơ năn dôm bơ ngai brŏk oei tơ̆ dêh char Dak Nông păng tơ roi tơ băt ăn khŭl kơ dră vă vei lăng, ăn oei hơ drô̆ ƀlep kiơ̆ tơ drong hơ găt. Kiơ̆ chih jô̆ đơ̆ng anih jang kơ pal dêh char Dak Nông iŏk đơ̆ng rim dêh char găh pơ băh jang kiơ̆ ư̆h kơ ăn yak vih vơ̆t lơ̆m tơ pôl rim năr jô̆ păh lăp đei hloh 5.000 ‘nu hao gre hon đa brŏk tơ̆ rim dêh char Tây Nguyên. Tơ̆ Dak Nông dôm năr tơ jê̆ âu kon pơ lei brŏk đơ̆ng rim dêh char tŏk vă jê̆ 1.000 ‘nu.

Thuem: Tơ blơ̆