VOV4.Bahnar - 7. Kiơ̆ đơ̆ng Dơnŏ anĭh MTTQ dêh char Dak Nông, lơ̆m hơnăn 96 ‘nu bơngai đei tơbăt ăn pôk tơmơ̆t jang Kơdră tang măt Jơnŭm vei lăng kon pơlei dêh char jăl IV, jăl jang 2021-2026 đei 36 ‘nu ‘nŏh kơdră tang măt Jơnŭm vei lăng kon pơlei dêh char jăl III; đei 42 ‘nu bơngai ‘noh drŏ kăn; 36 ‘nu bơngai sơnăm mơlô̆h; 21 ‘nu bơngai kon kông, 10 ‘nu bơngai ư̆h kơ mơ̆t jang Đảng, 10 ‘nu bơngai lui khop. Dôm bơngai au đei tôm tơdrong pơkăp ‘lơ̆ng, tơgăl vă pôk tơmơ̆t pơm kơdră tang măt Jơnŭm vei lăng kon pơlei jăl IV, jăl jang 2021-2026. Trŭh dang ei, đĭ đăng 96 ‘nu kơdră au jei ư̆h kơ đei hla bơar tơkêng au to. Kiơ̆ tơchơ̆t, lăp đơ̆ng rŏng đei chĭh hơnăn blŭng a, Dơnŏ anĭh MTTQ rim tơring pơgơ̆r hop akŏm tơ ƀơ̆p bơngai tăh hla tơ̆ tơring mă bơngai tang măt ‘nŏh oei sa. Tơdăh bơngai đei hơnăn ăn pôk tơmơ̆t ư̆h kơ iŏk đei hlŏh 50% kơ phĭu pôk tơmơ̆t đơ̆ng bơngai tăh hla mă sư oei lei tơlĕch bơngai au lĕch vĕh lơ̆m khŭl tang măt hloi.

Tơblơ̆ nơ̆r: Amazưt