VOV4.Bahnar  – Kơsơ̆ năr (14/7), tơ̆ Anih Kŏng ang dêh char Đăk Nông, Anih tơm Kŏng ang pơm lêh tơbang Tơchơ̆t đơ̆ng Ƀô̆ trưởng Anih tơm Kŏng ang găh tơdrong jang kang ƀô̆. Tơ̆ jơ lêh, Trung tướng Trần Quốc Tỏ, Thư̆ trưởng Anih tơm Kŏng ang hlôi pơjao tơchơ̆t đơ̆ng Ƀô̆ trưởng Anih tơm Kŏng ang pơtruh Đại tá Bùi Quang Thanh, Phŏ Kơdră Kŏng dêh char Quảng Bình tŏk jang Kơdră Anih Kŏng ang dêh char Đăk Nông.

          Pơma ăh jơ lêh, Trung tướng Trần Quốc Tỏ lui ngeh hăm kơchư̆k jang 'nao, anih jang 'nao, Kơdră 'nao kơ Anih Kŏng ang dêh char Đăk Nông  Bùi Quang Thanh tenh kuăng băt hơdăh tơring, tơdrong jang, dăh hrôih jang tơnăp atŭm hăm Đảng ủy, Jơnŭm pơgơ̆r Anih Kŏng dêh char pơgơ̆r khul Kŏng ang Đăk Nông keh đang rơgei rim tơdrong jang đei pơjao, pơjing cham char xơđơ̆ng, pơm jang hơtŏk tơ iung mŭk drăm, tơpôl kơ dêh char Đăk Nông.

Lan chih păng pơre nơ̆r