VOV4.Bahnar - Dak Nông đei năng tôch ‘lơ\ng vă ato\k tơ iung unh điên măt ‘năr. Kơ lih yoa thoi no\h, khei ‘năr tơ je# âu m^nh kơ so# kon pơ lei păng an^h te\ch mơ dro pơ\n tơ le\ch jên jang, io\k yoa unh hơ yuh âu kiơ\ đơ\ng pơ lăp unh điên măt ‘năr tơ\ bơ bu\ng hnam. Blu\ng a trong jang ‘nâu hlôi hơ nhăk đei yoa tôch ‘lơ\ng.

Hăm tơ drong ‘me\h yoa unh điên rim khei tôch lơ, yă Nguyễn Thị Nhàn tơ\ thôn 6, xăh Đắk Ha, apu\ng Đắk G’long hlôi tơ le\ch jên pơm unh điên măt ‘năr tơ\ bơ bu\ng hnam ăn unh hnam yoa păng tơ mât lơ\m tơ lei unh điên te\h đak hai. Jên cho# blu\ng a truh 150 triu hăm 16 hlak pin đei kơ sư\k 5,6 kWp. Mă hơ tuch pơm ăn yă tôch lăp đon:

“ Rim khei unh hnam ku\m hiong lơ jên điên kơ na kơ tơ\ng đe tơ roi ‘no\h [ôh đei yoa, đơ\ng no\h inh tơ le\ch 150 triu hlak jên vă pơm unh điên măt ‘năr tơ\ kơ pal bơ bu\ng hnam. 1 khei unh hnam yoa đ^ 1,6 triu hlak jên điên, mă lei nhen khei ‘nâu lăp đ^ hlo\h 600 rơ bâu đe\ch, oei rơ kăh inh te\ch dơ\ng ăn an^h jang unh điên, ku\m đei truh 700 rơ bâu 1 khei, ku\m đei yoa tơ pă.”

{ôh đei yoa đơ\ng cho# unh điên măt ‘năr tơ\ kơ pal bơ bu\ng hnam, đơ\ng ro\ng kơ tơ che\ng hơ len, unh hnam [ok Nguyễn Thế Tùng tơ\ thôn 2, xăh Trường Xuân, apu\ng Đắk Song tơ le\ch hlo\h 320 triu hlak jên vă pơm unh điên măt ‘năr tơ\ kơ pal bơ bu\ng hnam. Hăm 36 hlak pin măt ‘năr đei kơ sư\k 12kWp, lăp lơ\m khei mă blu\ng io\k yoa păng cho# tơ mât lơ\m tơ lei unh điên te\h đak, mă đơ\ng oei lơ\m pơ yan ‘mi ră mă lei unh hnam [ok ku\m io\k đei truh 2.000 kWh. {ôh đei yoa, [ok Tùng oei tơ che\ng hơ len vă pơm dơ\ng ăn unh hnam yoa păng te\ch hai.

{ok Nguyễn Thế Tùng, tơ roi: “ Kiơ\ đơ\ng 1 ‘nu bơ ngai chă tơ roi ăn ‘no\h inh [ôh tôch đei yoa, kơ na pơ ma nuh hăm unh hnam cho# tơ\ kơ pal bơ bu\ng hnam âu. Hlo\h 1 khei jo# hơ len đơ\ng chă tơ le\ch 327 triu hlak jên, khei âu ki đei ‘mi lơ ku\m thu đei 4 triu 300 rơ bâu, đei yoa thoi âu ro\ năng inh vă tơ le\ch jên cho# thim dơ\ng.”

Kiơ\ Công ty jang unh điên Dak Nông, an^h oei vei lăng 14 kơ măy unh điên măt ‘năr pơm kơ pal bơ bu\ng hnam, đei kơ sư\k 3.057 kWp (kilo oat pít). Dôm tơ drong jang kơ pal đei an^h jang điên k^ hla ar pơ kăp răt io\k unh điên hăm kơ jă 2.314 hlak 1 kWh, tơ mât yoa lơ\m 20 sơ năm hăm dôm unh hnam pơ truh unh điên adrol kơ ‘năr 30/6/2019.

{ok Nguyễn Văn Trình, Pho\ kơ dră Công ty jang unh điên Dak Nông, ăn tơ băt: “ ‘Ngoăih kơ unh điên kon pơ lei yoa, mưh rơ kăh ‘no\h te\ch ăn an^h jang unh điên dơ\ng. An^h jang unh điên cho# ko\ng jơ vih vât 2 pang păng chih jo# pơ đ^ kơ so# điên đei tơ mât lơ\m unh điên te\h đak, rim khei an^h jang unh điên chih tơ băt kơ so# păng kla jên ăn kơ đe. Hăm kơ jă điên măk ‘no\h tôch đei yoa ăn kon pơ lei. Kiơ\ tơ drong tơ che\ng tơ dăh tơ le\ch jên jang ‘no\h dang 5 - 6 sơ năm gô io\k pơ dreu tôm jên jang. Mă 2 ‘no\h yoa đei điên kơ tă tơ\ an^h kơ na tơ drong hiong huach điên io\k đơ\ng hơ tăih ku\m jur [iơ\, oei unh điên lơ\m tơ ring ‘no\h roi sơ đơ\ng ‘lơ\ng, dôm unh hnam ju\m dăr ku\m đei unh điên jăng ‘lơ\ng ‘năi.”

Kiơ\ tơ drong hơ len, mưh pơm unh điên măt ‘năr tơ\ kơ pal bơ bu\ng hnam, ‘ngoăih kơ tơ jur đei jên điên tôch ai ăn hnam tơ no\, tơ drong hơ iă hlo\h đơ\ng unh điên ‘nâu ‘no\h mưh điên rơ kăh, đe gơ\h te\ch ăn an^h jang unh điên dơ\ng. Điên măt ‘năr pơm tơ\ kơ pal bơ bu\ng hnam đei lơ tơ drong ‘lơ\ng hăm cham char, cho#, pơ lăp [ônh, gơ\h tơ ge\ch io\k bơ bu\ng hnam dăh mă an^h le# ho\h vă cho# pin măt ‘năr.

Hoàng Qui: Chih

Dơ\ng: Tơ blơ\