VOV4.Bahnar – Khul jang kơpal kơ dêh char Đăk Nông hlôi tơlĕch pơkăp pơvei minh hnam trưng hŏk păng lơ anih đei tơrĕk tơ̆ apŭng Đăk R'Lâ̆p, đơ̆ng rŏng kơ băt đei minh 'nu hŏk tro ƀơm SARS-CoV-2. Atŭm hăm noh, anih jang y tê̆ hlôi tenh kuăng iŏk hơlen pham đak muhg vă băt F0 tơklăh oei pha. Kiơ̆ tơroi đơ̆ng Jơnŭm pơgơ̆r tang găn păng tơjră pơrang jĭ dêh char Đăk Nông, kơtă ăh ƀôh đei 1 'nu hŏk tro hnam trưng Dân tộc nô̆i trŭ apŭng Đăk R'Lâ̆p, tơ̆ pơlei Bù Bir, xăh Quảng Tín, apŭng Đăk R'Lâ̆p ƀơm SARS-CoV-2, khul jang kơpal hlôi tenh kuăng pơkăp tơring, chă hơlen iŏk pham vă xet ngĭm. Dang ei anih jang y tê̆ hlôi chơ chă băt đei hloh 150 F1, hloh 100 F2 păng dang ei hlôi băt 15 'nu ƀơm virus SARS- CoV-2  đơ̆ng rŏng kơ hơlen hăm pơkăp RT-PCR. Anih vei lăng kon pơlei apŭng Đăk R'Lâ̆p tơchơ̆t oei tơklăh kiơ̆ Tơchơ̆t 16 hăm tôm anih pơkăp pơm jang kơ xăh Quảng Tín.

Lan chih păng pơre nơ̆r