VOV4.Bahnar - Dêh char Dak Nông dang ei đei vă jê̆ 11.000 ha tĕh jang sa pơtăm ‘nhot, ƀum, ‘long sa plei, hăm phĕ iŏk đei dang 176.000 tân.

Kiơ̆ đơ̆ng Dơnŏ anĭh vei lăng chŏh jang sa dêh char, đơ̆ng dang ei trŭh khei 11 đei dang 43.000 tân ‘nhot ƀum plei, sâu riêng păng ƀơ kơ kon pơlei kăl vă tĕch mơdro, dang 900 tân lơ̆m 1 năr. Mă lei kơ yuơ đei ƀơm kơnê̆ đơ̆ng jĭ hơbŭh Covid-19 kơna tơdrong tĕch mơdro tơmam drăm chŏh jang sa kơ kon tơƀơ̆p tôch tơnap tap. Lơ hơnĭh jang sa să tim mă tơchă đei hơnĭh răt iŏk, tơchă bơngai jang chă phĕ au to jei ư̆h kơ đei dơ̆ng. Hơnĭh vei lăng Atŏk tơ iung chŏh jang sa dêh char Dak Nông tơbăt, dang ei Dơnŏ anĭh vei lăng chŏh jang sa dêh char Dak Nông hlôi pơjing khŭl jang tơgŭm, tơgoăt tơgum ăn kon pơlei tĕch mơdro tơmam drăm chŏh jang sa. Kiơ̆ kơ ‘nŏh, hlŏh 3 giĕng au hlŏh 4.000 tân ‘nhot ƀum plei rim kơ loăi, 4.000 tân sầu riêng păng hlŏh 3.000 tân ƀơ hlôi đei hơnĭh vei lăng chŏh jang sa dêh char tơgoăt tĕch ăn hlot.

Tơblơ̆ nơ̆r: Amazưt