VOV4.Bahnar - Dak Nông ‘no\h j^ de#h char đei tơ ring thu\ng thong, kon pơ lei oei hơ tăih băl, kơ na tơ drong tơ mơ\t jên jang rim tơ drong jang u\nh điên athei đei jên tôch kơ lơ. Lơ\m dôm sơ năm âu ki, ku\m hăm tơ drong tơ mơ\t jên jang pơm ‘nao, pơ\ih să tơ drong jang u\nh điên, Ko\ng ti u\nh điên Dak Nông oei lăng kăl păng pơm hơ met ming trong tơ ley u\nh điên tơ ring tơ rang. Tơ drong ‘nâu ư\h khan lăp hơ met ‘lơ\ng tơ drong u\nh điên trăp de#h hnang, pơ tru\h u\nh điên sơ đơ\ng, pơm lăp hăm ‘me\h vă tơ\k hơ dăh, jang sa đơ\ng kon pơ lei mă oei tơ gop ‘lơ\ng lơ\m hơ to\k tơ iung mu\k drăm tơ pôl. Kiơ\ đơ\ng no\h tơ gop ku\m hăm rim tơ ring jang kiơ\ jơ nei tơ drong jang pơ jing tơ ring tơ rang ‘nao.    

U|nh hnam [ok Lê Văn Thoảng oei tơ\ xăh Đạo Nghĩa, apu\ng Đăk Rlấp, đei hlo\h1 hec ta che\h phe păng 8 sào tiu. Sơ\ mư\h tru\h ‘măng tơ ru\ih ‘no\h sư bơ ngơ\t yua kơ u\nh điên ư\h kơ jăng. Mă đơ\ng rim u\nh hnam lơ\m xăh hlôi drơ\ng nơ\r tơ ru\ih kiơ\ rim ‘măng vă hoei kơ trăp de#h hnang, mă lei mư\h tôt kơ măy [ôm đak ‘no\h păt hloi. Đei ‘măng u\nh hnam sư hlôi đei sa kơ măy [ôm yua kơ u\nh điên ư\h kơ sơ đơ\ng. Đơ\ng sơ năm 2017, [ơ\t tơ drong jang hơ met ming păng pơm hơ met trong tơ ley u\nh điên tơ ring tơ rang de#h char Dak Nông tơ le\ch jang tơ\ apu\ng Đăk R’lấp, u\nh hnam [ok Lê Văn Thoảng ku\m nhen kon pơ lei lơ\m xăh ư\h pă bơ ngơ\t găh u\nh điên vă [ôm đak tơ ru\ih lơ\m pơ yan to\: “Te\h đak tơ mơ\t jên jang cho# u\nh điên ăn kơ nhôn, [o#h vei sơ đơ\ng lơ\m tơ drong tơ ru\ih đơ\ng tiu tru\h che\h phe io\k đei nhen ‘me\h vă. Kon pơ lei sơ đơ\ng jang sa ư\h kơ tơ che\ng bơ ngơ\t găh trong tơ ley u\nh điên bơ\ih”.

Oei hăm dôm u\nh hnam te\ch mơ dro nhen [ok Lê Như Xa, oei tơ\ thôn 3, xăh Nhân Cơ, apu\ng Đăk R’lấp, u\nh điên jăng păng sơ đơ\ng ‘no\h j^ tôch kơ g^t kăl. {ok tơ băt, u\nh điên vei sơ đơ\ng, u\nh hnam pơ\n tơ mơ\t jên jang pơ\ih să an^h te\ch huch che\h phe vă sơng tơ moi mơ\t huch: “ 2,3 sơ năm hơ drol u\nh điên yua ư\h kơ ke\, mă loi ‘no\h j^ mư\h yua u\nh điên lơ\m khei ‘năr pơ yan to\ hu\l hang mă đei ku\p u\nh điên tơ moi ư\h kơ tru\h tơ\ an^h huch che\h phe. Dang ei yua u\nh điên ‘lơ\ng [iơ\\, tơ drong ku\p điên pă gan đei [o#h bơ\ih, yua thoi no\h tơ moi tru\h lơ [iơ\, tơ drong yua [ơ\n bro\, ti vi, kuat păng dôm tơ mam yua lơ\m u\nh hnam ‘lơ\ng [iơ\, sơ đơ\ng [iơ\.”

Đei u\nh điên sơ đơ\ng, kon pơ lei apu\ng Đăk Rlấp tơ mơ\t jên jang răt kơ măy kơ mo\k pơ yua ăn cho\h jang sa, oei sa, tu\n pran hơ to\k tơ iung kơ măy kơ mo\k – pơ v^h pơ văn, hơ to\k ‘lơ\ng tơ drong ar^h sa, hơ drin sơ năm 2020 tru\h âu kơnh lơ\m apu\ng gô jang đang hơ drol tơ drong jang pơ jing tơ ring tơ rang ‘nao. {ok Trần Minh Huy, kơ dră vei lăng an^h jang u\nh điên Đăk Rlấp, tơ băt, an^h jang u\nh điên gô hơ nơ\ng hơ met ming păng pơm hơ to\k trong tơ ley u\nh điên vă pơ tru\h u\nh điên sơ đơ\ng đei yua ăn kon pơ lei. Kiơ\ đơ\ng no\h tơ gop ku\m hăm rim tơ ring jang kiơ\ tơ drong hơ găt kơ so# 4 găh u\nh điên lơ\m pơ jing tơ ring tơ rang ‘nao. “ Tơ drong hơ găt kơ so# 4 găh u\nh điên tơ ring tơ rang tơ dăh pơm sơ đơ\ng đei tơ drong hơ găt âu ‘no\h tơ drong pơ tru\h u\nh điên lơ\m apu\ng pơ ma hơ dro# păng pơ\ih să ‘no\h ^nh tơ che\ng tơ drong jang âu vei sơ đơ\ng ‘no\h gô roi ‘lơ\ng hlo\h. Mă io\k đei tơ drong ‘no\h pă jor tơ drong sơ đơ\ng păng ‘lơ\ng u\nh điên pơ tru\h gô ‘lơ\ng hlo\h”.

Kiơ\ kơ [ok Lê Huy Thiệp, Pho\ kơ dră vei lăng Ko\ng ti u\nh điên Dak Nông, hăm tơ drong hơ drin lơ\m tơ drong tơ mơ\t jên jang rim tơ drong jang pơ tru\h u\nh điên, tru\h dang ei u\nh điên de#h char Dak Nông hlôi đei pơ\ih să hăm 8/8 apu\ng, thị xã đei pơ tru\h u\nh điên đơ\ng u\nh điên te\h đak; 71/71 xăh, phường, thị trấn đei u\nh điên; 722/724 thôn pơ lei đei u\nh điên. An^h jang u\nh điên Dak Nông kơ chăng băt hơ dăh trong tơ le\ch jang, tơ drong tơm rim sơ năm lơ\m Tơ drong jang tơm te\h đak găh pơ jing tơ ring tơ rang ‘nao kơ de#h char, đơ\ng no\h tơ tom tơ gep lơ\m tơ le\ch trong jang tơ mơ\t jên jang pơ jing rim sơ năm đơ\ng Ko\ng ti. Ku\m hăm ‘no\h, ako\m hơ vơn lơ jên tơ mơ\t jang hơ nhăk u\nh điên v^h tơ\ tơ ring tơ rang, tơ ring hơ tăih hơ to\, pơ tru\t hơ to\k tơ iung mu\k drăm – tơ pôl kơ tơ ring. Tơ\ hơ năp kơnh, PC Dak Nông gô hơ nơ\ng hơ vơn lơ kon jên tơ mơ\t jên jang, tơ gu\m hơ drol hơ met tơ mơ\t jên jang kiơ\ trong tơ le\ch jang pơ jing tơ ring tơ rang ‘nao kơ de#h char. Lơ\m no\h, tơ gu\m hơ drol tơ le\ch jang tơ\ rm xăh tơ ring tơ rang, thôn, pơ lei tơ ring hơ tăih hơ to\, tơ ring kon pơ lei kon kông mơ mat tat de#h hlo\h kơ de#h char. Tơ drong tơm vă hơ met ming, pơm hơ to\k, pơm ‘nao trong tơ ley điện trung, hạ áp, an^h biến áp păng công tơ tơ\ rim tơ ring tam mă đei u\nh điên te\h đak păng tơ drong jang u\nh điên tơ ring tơ rang đơ\ng ro\ng kơ sơng io\k vă pơm lăp hăm ‘me\h vă cho#, pơ tru\h u\nh điên sơ đơ\ng pơ yua ăn ‘me\h vă tơ\k hơ dăh, hơ to\k tơ iung mu\k drăm cho\h jang sa păng rim tơ drong ‘me\h vă nai đơ\ng kon pơ lei tơ ring.”

Gơ\h tơ roi, tơ drong jang đang tơ drong hơ găt kơ so# 4 găh u\nh điên hlôi tơ gop pơm tơ pl^h pran kơ tang um ai mu\k drăm – tơ pôl kơ de#h char Dak Nông. Tơ\ hơ năp kơnh, an^h jang u\nh điên Dak Nông gô hơ nơ\ng hơ vơn rim kon jên, tơ gu\m hơ drol hơ met tơ mơ\t jên jang kiơ\ trong tơ le\ch jang pơ jing tơ ring tơ rang ‘nao kơ de#h char, hơ drin tru\h sơ năm 2020, Đak Nông đei 99% kơ so# u\nh hnam kon pơ lei lơ\m tơ ring yua u\nh điên te\h đak. ‘Nâu j^ tơ drong hơ drin tôch kơ t^h yua kơ Dak Nông ‘no\h j^ de#h char đei tơ ring thu\ng thong, kon pơ lei oei hơ tăih băl./.

            Hương Lý : Ch^h

          Thuem: Tơ blơ\