VOV4.Bahnar - ‘Năr 19/4, Kơ dră vei lăng kon pơ lei dêh char Dak Nông Nguyễn Đình Trung kĭ tơ lĕch tơ drong tơ chơ̆t hơ tŏk tơ drong vei lăng păng tưk tơ iung bri.

Kiơ̆ kơ ‘nŏh Anih vei lăng tơ drong choh jang xa păng atŏk tơ iung tơ ring tơ rang pơ tho ăn Anih vei lăng bri ‘long bơ̆ jang ‘lơ̆ng tơ drong pơ gơ̆r trư̆k, vei lăng bri prăt măng, prăt năr ƀât tŏk bŏk pơ yan phang, ƀât năr lêh;

Pơ jing khul grŭp, tơ lĕch trong kơ chăng tơ jră, tang găn pĭt mưh đei unh xa bri, hơ nơ̆ng hơ len năng nơ̆r tơ roi găh tơ drong hơ mơt unh xa bri vă khan kơ dôm anih jang năm dăr lăng, chă ƀôh hrôih jơ ƀôt bri đei unh xa.

Khul linh vei lăng bri ‘long hơ tŏk tơ drong dăr joang vă chă ƀôh, tang găn păng sek tơ lang tơ tom dôm tơ drong pơm glăi luơ̆t vei lăng bri kơ tă đơ̆ng tơ ring, pơ gơ̆r khul jang hơ doi, dơ̆ng gak, dăr hơ len tơ̆ dôm anih bri ‘long gĭt kăl.

Dơ̆ng: Tơ blơ̆